Saturday Night Live
Saturday Night Live (pron.: sederdey-nayt-layf, en Ido: saturdio-nokto direte) abreviita SNL, esas semanala Usana televizionala komedio-serio brodkastata de New York da NBC. La 11ma di oktobro 1975 esis l'unesma epizodo. SNL konsistas de kurta ceni, parodiaji e muziko, kun alternanta prizentisto. La televizion-serio lansis multa karieri di usan aktori dum la lasta yardeki, quale Eddie Murphy, Tina Fey e mult altri. La programo konceptesis da Lorne Michaels qua en 1975 ca-skope unionis la komediisti John Belushi, Chevy Chase, Gilda Radner, Lily Tomlin e Dan Aykroyd.
SNL esas la televizion-serio kun la maxim granda nombro de premio Emmy[1].
Dum olua existo, la komedio-serio produktis kelka skandali, exemple l'epizodo de oktobro 1992 en qua Sinéad O'Connor dum kantar "War" da Bob Marley laceris fotografuro de papo Ioannes Paulus la 2ma ("la vera enemiko").
Referi
[redaktar | redaktar fonto]- ↑ Joyce Eng en Chris Beachum, 'Saturday Night Live' extends record Emmy haul to 72 with Best Variety Sketch Series win. Gold Derby (17 september 2018).