Selfie

De Wikipedio
Salti al navigilo Salti al serĉilo

Selfie (pr. selfi) esas fotografita su-portreto, generale facata per portebla telefonilo o "webcam", ofte kun la skopo adkargar la fotografuro a sociala reto.

Portebla telefonilo havas ofte ultre la kamero sur la reverso, anke kamero sur la averso (apud la skreno).  La prevido esas ofte spegul-imajo (la telefonilo funcionas tale kom spegulo) tale ke sinistra e dextra sur la skreno konkordas kun sinistra e dextra en la realeso, por ta qua facas la selfie.

Un ek la tipala karakerizivi di 'selfie' esas, ke se ol facesis per telefonilo o dijitala kamero, en la fotorafuro ofte videbla esas ke la persono en l'imajo tenas la kamero.  Tala uzado esas populara che yuni.

Segun onua savo, la vorto "selfie" ye 13 septembro 2002 unesme uzesis en australiana enreta forumo, ube ulu pregis pardono pro publikigir neklara fotografuro, per skribar (Angle): "Sorry about the focus, it was a selfie." ("Me pregas pardono pro la foko, ol esis selfie".)