Sexuale transmisebla morbo

Sexuale transmisebla morbo (STM) o venerala morbo esas infekto-morbo quan on povas obtenar per sexuago, koito, bokala - od anusala sexuago kun persono qua havas sexuala morbo.

Sexuala morbi povas esar efektigata da diversa organismi: spiroketi, (sferala) bakterii o virusi. La morbifero di STM povas trovesar en la muko di la vagino, spermo di la viro o sub la prepuco. Kande sexuala partenero esas kontaktata la morbo povas esar transmisata per vundureto che la recevanto. Anke altra (ne-sexuala) modi di transmiso esas posibla: enveinala narkotigo, intima nesexuala kontakto, sango-transfuzo.