Shiva

De Wikipedio
Irez ad: pilotado, serchez

Shiva (Sanskrite: शिव, "Śiva", qua signifikas "la bon-auspica") esas la nomo di la triesma granda deo del Hinduismo. Lu guvernas la mondo kun l'altra dei Brahma e Vishnu. Il esas la chefdeo dil Shaivismo (anke Shivaismo), esante la destruktanto di malo e la kontravencanto pri normi. Lua spozino o spozini esas Sati e Parvati; Parvati esas la transmigrita Sati.

Il anke konocesas per mult altra nomi, quale Viswanathan (sioro dil universo), Mahadev o Mahadeva, Mahesha, Maheshvara, Shankara, Natraj, Shambhu, Rudra, Hara, Trilochana, Devendra (chefo di la dei), ed altri.

Shiva esas deo kun blua pelo quale multa devas, tri okuli, quar brakii e glutinita hari. Ilu portas tridento nomata trishula e havis la krecento sur sua kapo. Lu kavalkas sur la bovulo Nandi ed ofte portas cindro e serpento. On anke adoras Shiva kom lingam, rituala kolono.

La deo Shiva nur tarde reprezentesas per ca nomo en la Hindua tradiciono. Il forsan unesme aparis sur siglilo del Indus-valo-civilizeso, sur qua figuro inter animali montresas, ma ico esas tre kontroversala hipotezo. La siglilo nomesas la Pashupati-siglilo. En la Vedas il aparas kom Rudra, qua ankore esis ne tre importanta deo di tempesto e vetero. Nur dum la tarda unesma yarmilo aK divenis Shiva importanta deo, anke fine portanta la nomo Shiva.

Pashupati-siglilo. La centrala figuro forsan esas Shiva, sinitre e dextre esas diversa animali.