Sindromo di pos-KOVID-19

De Wikipedio

Sindromo di pos-KOVID-19, (o Persistanta KOVID o Longa KOVID) koncernas sanesala problemi qui restas pos ke kuracato saneskis de severa Kovid-19. Koncernas plura simptomi qui che dek a duadek procento de la kuracati di Kovid-19 duras plu longe kam monato, e che cirkum 2 procento plu longe kam tri monati.

La sequanta simptomi povas aparar che kuracati: extrema fatigeso, kapo-doloro, kurta respiro, sufokemeso, flaro-perdo (anosmio), febla muskuli, basa febro, kognitiva problemi. Ne omna simptomi aparas che singla kuracato, e dum tempo simptomi povas alternar o chanjar de intenseso.

Ultre to, kuracati anke mencionas: longa-frista tusado, memoro-problemi, dormo-problemi, artiko-problemi, diareo e vomo, guturo-doloro e gluto-problemi, nova diabeto ed alta sango-tenso, pel-erupto e doloro di pektoro. Exploro montris ke infanti apene sufras la persistanta KOVID e ke li omna risaneskis por 56 dii.