Skalo di Richter

De Wikipedio

La skalo di Richter developesis da Usana fizikisto Charles F. Richter. Ilu propozis sua skalo en 1935 studiinte multa ter-tremi.

Per la skalo on mezuras la quanto di energio libereskinta en ter-tremo, ne lia destrukto o ruinigo. La skalo di Richter komencas de 1 ed esas logaritmala. Kresko de un unajo equivalas dekoplesko dil forteso e 31-oplesko di la quanto di libereskanta energio. On mezuras ter-tremi per sismografi.

Segun la skalo di Richter:

  • 1–2 = la tertremo esas remarkebla nur per mezurili.
  • 3 = la tertremo esas remarkebla proxim l'epicentro (loko super la hipocentro, loko dil tremo).
  • 4–5 = la tertremo esas remarkebla ye disto de 30 km del epicentro.
  • 6 = la tertremo ofte produktas viktimi e destruktas habiteyi.
  • 7 = la tertremo produktas katastrofo.
  • 8 = la tertremo klasifikesas kom grandega.

La skalo ne havas supra limito, ma ordinare tertremi di 8,8 til 8,9 esas la maxim granda.