Soap

Le Campbell e le Tate, en la mezo servisto Benson (1977)

Soap (pronuncez: sop) esas Usana komedio-serio qua satisfacas la deskripto di "sapon-serio" ma fakte esas parodio. Soap brodkastesis en Usa da ABC de 1977-1981 e brodkastesis en altra landi. La cenaro skribesis da Susan Harris, la muziko kompozesis da George Tipton. Soap esis enorme populara en tam Usa kam altra landi. La televizion-serio esis kontroversal en Usa, interaltre pro la temi: homeosexualeso, adulteranta sacerdoti, ocido e renkontris granda objecioni da religioz organizuri, qui duktis ad abrupta ceso di la serio. Pos l'unesma epizodo 'anuncero' Casey Kasem refuzis durar anuncar ol e remplasesis da Rod Dolly. La serio havis 88 epizodi.

Singla epizodo anuncesas per "This is the story of two sisters, Jessica Tate and Mary Campbell" (yen la historio pri du fratini: Yesika Tet e Meri Kembol), e singla epizodo finis per la vorti: Ka konfuzita? Vu savos en la sequanta epizodo di Soap.

Soap esas la rakonto pri du fratini: Jessica Tate e Mary Campbell. Le Tate esas richa, havas servisto Benson, le Campbell esas min richa ed implikesis en la mafio. La du familii ne bone interrelatas.

Aktori e roli:

• Katherina Helmond - Jessica Tate
• Robert Mandan - Chester Tate
• Cathryn Damon - Mary Campbell
• Richard Mulligan - Burt Campbell
• Ted Wass - Danny
• Billy Crystal - Jodie Dallas
• Robert Guillaume - Benson DuBois