Republiko Socialista Sovietiana di Latvia

De Wikipedio
Irez ad: pilotado, serchez
Latvijas Padomju
Socialistiska Republika

Латвийская Советская
Социалистическая Республика
Flag of Latvian SSR.svg Coat of arms of Latvian SSR.png
Chef-urbo Riga
Maxim granda urbo Riga
SovietUnionLatvia.png
Oficala linguo Rusa, Latviana
Totala surfaco 64,589 km²
Habitanti
Denseso di habitantaro
2,666,567 (1989)
41.3 hab./km²
Horala zono UTC+3

Republiko Socialista Sovietiana di Latvia (Latviane: Latvijas Padomju Sociālistiskā Republika, Ruse: Латвийская Советская Социалистическая Республик) anke konocata kom RSS Latvia, esis un di la republiki di Sovietia. Ol establisesis pos l'anexo di Latvia da Sovietia en 1940, e duris til 1990.

Historio[redaktar | edit source]

Tanki de Reda Armeo okupas Riga, 1940.

Ye la 24ma di septembro 1939 Sovietia invadis aerala spaco di Baltika stati. La sequanta dio, ol demandis ke Latvia permisis establisar Sovietiana bazi en Latviana teritorio. Quankam Latvia aceptis, Sovietia invadis ol ye la 16ma di junio 1940 pos ultimato,[1][2][3] e transformis ol en Sovietiana republiko. Sovietiana ministro pri exteral aferi Vyatcheslav Molotov akuzis Latvia ed altra Baltika stati di "konspirar kontre Sovietia", do Moskva prizentis ultimati. Pos l'invado, plu kam 15,000 Latviani deportesis, specale vers Siberia.

De 1941 til 1944, kun l'invado di Latvia da nacional-socialista Germania Sovietiana republiko desaparis de facto. Naziisti okupis Riga ye la 1ma di julio 1941. Pos nacional-socialist okupeso, komencis proceso di elimino di cigani e judi. On kalkulas ke cirkum 85,000 personi, specale judi, ocidesis da nacional-socialisti.

Granda nombro di Latviani formacis grupi di partizani por luktar kontre German invado. Tamen, kelk altra kunlaboris kun nacional-socialisti. Kun la retreto di Germaniani, Sovietiana republiko riestablisesis. Usa, Unionita Rejio ed altra landi konsideris nelegala l'okupeso di Latvia da Sovietiani.

Pro Latvia mantenir bona substrukturo ed edukita specialisti, Moskva decidis mantenar moderna fabrikerii en Latvia. Lando recevis refinerio di petrolo, e fabrikerii di elektroteknikal equipuri e di nutrivi. Por expansar industriala produktado, multa laboristi de altra regioni, precipue de Rusia, adportesis a Latvia. To diminutis la proporciono di Latvi en totala habitantaro.

Pos Mihail Gorbachov asumar povo en Sovietia ilu komencis politikala ed ekonomiala reformi konocita kom Glasnost e Perestroika. Ilu anke grantis plua autonomeso a Baltika stati, e permisis l'uzo di Latviana flago en 1988. Ye la 4ma di mayo 1990 Latviana konsilantaro deklaris la restaurado di la nedependo di Latvia.

Referi[redaktar | edit source]