Soyuz 18

Soyuz 18 esis misiono di Sovietia a la kosmostaciono Salyut 4 en 1975.

La navo lansesis ye 24 di mayo 1975 de Kosmodromo Baikonur, portante Pyotr Klimuk e Vitaly Sevastyanov, e li arivis ye Salyut 4 ye 26 di mayo.

Li durigis la laboro di la antea vizitanti a la staciono, qui departabis ye 9 di februaro per la kosmonavo Soyuz 17 pos 29 dii en la staciono. Li instalis e remplasis ciencala aparati; inter altra experimenti, li probis kultivado di planti. Li prenis multa fotografuri, inkluzante 2000 di Tero e 600 di la suno. Li restis ibe 63 dii, ye ta tempo la maxim longa periodo di homi en spaco, e komencis la retroveno a Tero ye 24 di julio.