Samurayo

La samurai esis en olima Japonia membro dil militero-klaso.

Parti en la kuraso dil samurai:

• hachi kabuto = ‘helmo’, ‘kasko’
• mempo = ‘protektilo di mieno’
• sode = ‘protektilo di shultro’
• do = ‘protektilo di pektoro’
• kote = ‘protektilo di brakio’
• haidate = ‘protektilo di kruro’
• tsubo suneate = ‘pretektilo di gambo’
• katana = ‘long espado’
• wakizashi = ‘kurt espado’
• yamato tsukubo = ‘flechuyo’

Kelka fazi en la historio di le samurai

Heian-ero 794–1185

• Le unesma samurai esis kavaleri kun arko e flechi.
• Irgu povis divenar samurai, se il havis pekunio por bezonata armaro.
• Pos milito samurai nove praktikis lua precipua profesiono, maxim ofte kom agrokultivisto.

Kamakura-ero 1185–1336

• La shoguno, militala diktatoro, prenis povo de la cezaro di Japonia.
• L’ ataki dal Mongoli vakuigis la fisko dil stato e multa samurai povreskis.

Muromachi-ero 1336–1573 e Azuchi-Momoyama-ero 1573–1600

• La guberniestri (la daimioi) posedis grandega arei e guvernis la lando.
• Centrala povo dil stato krevis e sangoza milito interna naskis.
• La samurai-klani kombatis una vers l’ altra ambiciante ganar povo en tota lando.

Edo-ero 1600–1868

• La shoguno e le samurai havis maximala povo e Japonia klozis sua pordi por extera mondo.
• La statuso di samurai divenis heredebla e l’ espado divenis la simbolo dil samurai-klaso.
• Le samurai esis dividita a klasi, e la rangala stando esis videbla per rizo-unaji, qui esis donita a le samurai kom salario.
• La lasta shoguno Tokugawa Yoshinobu rezignis ye 1868. Shablono:Link FA Shablono:Link FA Shablono:Link FA