Maine

Maine esas Usana stato. Lua vicina stato esas Nova-Hampshire en sud-westo. En nord-esto, nordo ed nord-westo jacas Kanada.

Bazala fakti pri Maine.

Historio

Unesma habitanti di la regiono di nuna Maine esas indijeni Wabanaki. Unesma Europana kolonieto esis fondita da Samuel de Champlain ye 1604. Unesma Britaniani en la regiono partoprenis a Plymouth Kompanio, ed arivis ye 1607, en la sam yaro ke en Jamestown, Virginia. La regioni en litoro formis la Provinco di Maine dum 17ma yarcento.

Dum l'Usana Revoluciono Angliani okupis Castine, mikra urbo en litoro. Kun la paco pos Usana nedependeso, Maine divenis parto di Massachusetts. Britaniani e Usani nove disputis la regiono di Maine dum la Angla-Usana milito di 1812.

Maine divenis Usana stato ye 15 di marto 1820, kom parto di la Kompromiso di Missouri: nordala statis aceptis Missouri kom stato kom sklaveso, ed en kambio sudala stati aceptis Maine kom stato sen sklaveso.

Un disputo di frontiero okuris ye 1839, kun l'inkurso de ligno-extraktisti de New Brunswick en nordo di Maine, e preske okuris un milito. Finale, la frontiero esis establisita ye 1842.

Ye 1832 l'urbo di Augusta divenis la chefurbo dil stato.

Geografio

Mapo di Maine kun lua precipua urbi e voyi.

Videz anke: Listo di urbi en Maine.
Maine esas la maxim nordala e la maxim granda stato di Nova Anglia. Cirkum 90% di lua teritorio esas kovrata da foresti.

La maxim alta monto di stato esas Monto Katahdin, kun 1.606 metri di altitudo.

Ekonomio

Industrio komencis en la regiono dum 19ma yarcento, kun l'extraktajo di ligno, e pos la manufakturo di kotono. Altra importanta industro en ta epoko esas l'extraktajo di granito. Dum 20ma yarcento aparis l'industrio di papero e paplo.

L'unesma fervoyo en la stato esis inaugurita ye 1832.