Tailando

Tailando
ราชอาณาจักรไทย Ratcha Anachak Thai
Standardo di Tailando	Blazono di Tailando
Nacionala himno:
Phleng Chat
Urbi:
Chefurbo:	Bangkok
Precipua urbo:	Bangkok
Lingui:
Oficala lingui:	Tai
Guvernerio:
Tipo:	Monarkio
· Rejo:	Bhumibol Adulyadej
· Chefa ministro:	Yingluck Shinawatra
Surfaco: (50ma maxim granda)
· Totala:	513.120 km²
· Aquo:	0,4 %
Plusa informi:
Valuto:	Baht
Veho-latero:	sinistre
ISO:	TH
	THA
	764
Reto-domeno:	.th*
Precipua religio:	Budismo, 85,3%

Tailando esas lando qua jacas en sud-est Azia. Lua vicina landi esas:

• en nordo e westo, Myanmar
• en nordo ed esto, Laos
• en sud-esto Kambodja
• en sudo, Malaizia.

Bazala fakti pri Tailando.

Historio

Homi habitis la regiono di nuna Tailando depos Paleolitiko. La regiono sufris influi de Indiana kulturi e religii. Un exemplo esis la rejio di Funan, ke existis de 1ma yarcento aK til cirkum 550, parolis Olda Khmer linguo e havis hinduismo kom religio. La rejio extendis su de Tailando til la litoro di nuna Vietnam.

Ante la falo di Khmer Imperio (dum 13ma yarcento) diversa stati (Tai, Mon, Khmer e Malaya rejii) existis ibe. Tai populo movis su de suda Chinia vers nuna Tailando dum la 10ma yarcento. En nuna centro di Tailando existis Mon Dvaravati kulturo, de la 7ma til la 10ma yarcento.

L'urbo di Ayutthaya ye la 17ma yarcento.

De 1351 til 1767 existis la rejio di Ayutthaya, qua establisis komercala relati kun Chiniani, Vietnamani, Indiani, Japoniani e Persiani, e pos kun Portugalani, Hispaniani, Franciani e Nederlandani. Ye 1511 Portugalana Duarte Fernandes establisis ambasadeyo en la rejio.

Reji di Ayutthaya permisis komercisti establisar su en vilaji exter la muregi dil urbo. Dum la rejio di Somdet Phra Narai (1656 til 1658) e la rejio di Louis 14ma la korti di Francia ed Ayutthaya havis forta ligili, e Franca ambasadisti komparis la richeso e grandeso dil urbo kun Paris.

1867-1909

Ye 1767 la rejio di Ayutthaya finis kun l'invado di Burmani. Lua chefurbo esis brulita e lua teritorio esis partigita. Ye 1769 generalo Taksin riunigis la teritorio e proklamis su kom rejulo. Il guvernis til 1782 kande, pos esar konsiderita dementa, il esis renversita, enkarcerigita e pos exekutita.

Moderna historio di komencis ye 1782, kande Rama 1ma asumis kom rejulo, l'unesma de Chakri dinastio. Rama fondis Bangkok, qua divenis la chefurbo di lando. Lia heredinti divenis koncernita kun la minaco di Europana kolonialismo pos la vinki di Britani en Burma ye 1826. Sama yaro, Siam signatis pakto por amikeso e komerco kun Britani. Ye 1833 Usa establisis ambasadeyo en Siam.

L'oficala nomo di lando esis Siam til 23 di junio 1939, kande ol esis chanjita vers Tailando.

Politiko

Tailando esas konstitucala monarkio.

Geografio

Kun preske 514 000 km² e 64 milioni lojanti, Tailando esas la 50ma lando en totala surfaco e la 20ma en totala populo. Ol esas 2 foyi ma granda ke Unionita Rejio.

Nordo di lando esas montoza, e la maxim alta monto di lando esas Doi Inthanon, kun 2565 metri di altitudo.

Ekonomio

Precipua artiklo: Ekonomio di Tailando

Demografio

La maxim granda urbo esas la chefurbo, Bangkok. Alta importana urbi esas Chiang Mai e Pattaya.