Sudafrika

Sud-Afrika
Republiek van Suid-Afrika (Afrikansa) Republic of South Africa (Angliana) Riphabliki yeSewula Afrika (Sud-ndebele) iRiphabhulikhi yeNingizimu Afrika (Swazi) Rephaboliki ya Afrika Borwa (Suda-Sotho) Repabliki ya Afrika-Borwa (Norda-Sotho) iRiphabliki yomZantsi Afrika (Xhosa) iRiphabhuliki yaseNingizimu Afrika (iziZulu) Riphabliki ra Afrika Dzonga (Tsonga) Rephaboliki ya Aforika Borwa (Tswana) Riphabuḽiki ya Afurika Tshipembe (Venda)
Standardo di Sud-Afrika	Blazono di Sudafrika
Nacionala himno:
Nacionala himno di Sud-Afrika
Urbi:
Chefurbo:	Pretoria
Precipua urbo:	Johannesburg
Lingui:
Oficala lingui:	Angliana, Afrikansa, Ndebele, Xosa, Zulu ed altra 6 lingui
Guvernerio:
Tipo:	Republiko
· Prezidisto:	Jacob Zuma
Surfaco: (25ma maxim granda)
· Totala:	1 221 037 km²
· Aquo:	neglijebla %
Plusa informi:
Valuto:	Rand
Veho-latero:	sinistre
ISO:	ZA
	ZAF
	710
Reto-domeno:	.za*
Precipua religio:	Kristanismo (79,7%), sen religio 15,1%, Islamo (1,5%), Hinduismo (1,3%)

Sud-Afrika esas lando qua jacas en maxim sud Afrika inter Namibia, Botswana, Zimbabwe, Mozambik ed Swazilando. Lesotho jacas interne di Sud-Afrikala teritorio.

Bazala fakti pri Sud-Afrika

Historio

Sud-Afrika ja esis habitita da Australopithecus cirkum 3 milioni di yari ante nun. Homo habilis, Homo erectus e Homo sapiens sucedis Australopithecus en la regiono.

Bantu populi ja habitis la regiono di Limpopo fluvio dum la 4ma o 5ma yarcento aK. Li movis sude, e konquestis o asimilis Khoikhoi e San populi de la sudo. Kande Europani arivis en la regiono, Sud-Afrika esis habitita precipue da Zulu o Xhosa populi.

Ye 1487 Portugalana explorero Bartolomeu Dias deskovris la Kabo di Bon Espero. Ye 1652 Nederlandana navigisto Jan van Riebeeck establisis rifreshigo-staciono en la Kabo di Bon Espero, ube hodie jacasKab-Urbo.

Precipua artiklo: apartheid

Precipua artiklo: Nelson Mandela

Politiko

Sud-Afrika esas parlamentala republiko. La chefo di stato esas la prezidisto, nune Jacob Zuma. La Prezidisto di Nacionala Konsilantaro di Provinci (equivalanta a Senato) esas Mninwa Johannes Mahlangu.

La parlamento havas 2 chambri: Nacionala Konsilantaro di Provinci, kun 90 membri, e Nacionala Asemblajo (National Assembly) qua havas de 350 til 400 membri.

Geografio

Drakensberg montaro, la maxim alta di Sud-Afrika.

Sud-Afrika esas la 25ma granda lando dil mondo. Ol jacas inter Atlantiko ed Indiana oceani. Ol havas plu kam 2 500 km di litoro. Monto Mafadi, en Drakensberg, kun 3 450 metri di altitudo, esas la maxim alta monto di lando.

Generale, lua klimato esas subtropikala. En sud-westo jacas zono kun mediteraneala klimato, kun pluvoza vintri e varma e sika sumeri. Mar-fore, la regiono di Karoo en nord-weto, proxim Namib dezerto, esas sika. Tamen, estala litoro recevas abundanta pluvi, e havas klimato simila a tropikala.

Ekonomio

Precipua artiklo: Ekonomio di Sud-Afrika

Sud-Afrika havas la maxim granda ekonomio di Afrika, e la 28ma granda dil mondo.

Demografio

La maxim granda urbi esas Johannesburg (3 888 170 lojanti ye 2007), Durban, Kab-urbo, Pretoria, Port Elizabeth, e Soweto.

Kulturo

Multa kantisti qua kantis en Angliana o Afrikansa dum apartheid komencis kantar en lokala lingui. De la tradicionala grupi, un di maxim famoza esas Ladysmith Black Mambazo. Soweto String Quartet pleas klasika muziki kun Afrikana saporo.

Famoza Sudafrikani

• Christiaan Barnard, mediko
• John Maxwell Coetzee, autorulo, Nobel-premiario
• Nelson Mandela, ex-prezidisto, qua recevis la Nobel-premio por pacala laboro