Krucomiliti

Kruco-milito esis milito per quo west-Europana Kristani entraprezis liberigar Palestina de Islamani dum 11ma, 12ma e 13ma yarcento. Motivo por krucomiliti esis en rezurektanta entuziasmo ekleziala, volo di noblaro por aventuro ed en ekonomikala problemi di stati. Pilgrimo-voyaji a Santa Lando esis dum mezal epoko frequa, ma kande Seldjuki konquestis ye 1070 Palestina, Islamani komencis persekutar pilgrimeri. Cezaro di Est-Roma Alexios 1ma pregis helpo de west-Europani kontre Seldjuki, e pro to ye 1095 papo Urbanus 2ma sugestis en sinodo, en Clermont, ekirar a milito (kampaniar?) pro liberigar Santa Tombo en Palestina. Dum yarcenti on igis multa krucala kampanii. La skopo di militi ne esis obtenita e Palestina esis sub regno di Islamani multa yarcenti. Ye 1291 lasta loko di Kristani en Palestina, Akkon, falis en manui di Islamani.

En Nordeyo Suedia igis nemulta milital expedicioni a Finlando dum 12ma e 13ma yarcento. Anke ca expedicioni esas nomizata kruco-militi pro ke papo sugestis Kristana reji di Suedia forsante konvertar pagana tribui en Finlando e Baltia. Vere oli esis nur konquesto-militi.

Krucomilito di vulgara homi

1096. Vulgara homi ekiris a Minor-Azia.

Unesma krucomilito

1096–1099. Krucomiliteri konquestis Jerusalem ye 1099.

Duesma krucomilito

1147–1149. Krucomiliteri sukombis e retrovenis heme.

Triesma krucomilito

1189–1192. Krucomiliteri konquestis Akkon 1191.

Quaresma krucomilito

1202–1204. Krucomiliteri konquestis e raptis Konstantinoplo.

Krucomilito di filii

1212. Mili de filii ekiris de Francia e Germania. Parto mortis sur voyo e parto falis en manui di pirati qui vendis filii kom sklavi.

Kinesma krucomilito

1228–1229 rejo di Germania Fredrik 2ma sucesis e divenis rejo di Jerusalem. Ultempe anke ca nesucezoza kampanii esas konsiderata kom parto di kinesma krucomilito: 1217–1218 rejo di Hungaria András 2ma militis en Siria sen ula vinko. 1218–1222 krucomiliteri atakis Egiptia sen ula vinko.

Sisesma krucomilito

1248–1254 rejo di Francia Louis 9ma la Santa kampaniis. Il esis kaptita en Egiptia.

Sepesma krucomilito

1270 rejo di Francia Louis 9ma la Santa ekiris a Tunisia. Ube granda parto di krucomiliteri mortis pro pesto.