Pakto di Warszawa: Diferi inter la revizi
mNula rezumo di redakto |
m Joao Xavier moved page Warszawa-pakto to Pakto di Warszawa |
(Nula difero)
|
Versiono ye 15:41, 11 okt. 2015
Warszawa kontrato pri amikeso, koopero e reciproka helpo, maxim konocata kom Warszawa pakto, en Rusiana Договор о дружбе, сотрудничестве и взаимной помощи, Dogovor o druzhbe, sotrudnichestve i vzaimnoy pomoshchi (1955 til 1991) esis kontrato por mutuala defendo signatita da 8 komunista stati de Est-Europa dum Kolda milito. Ol esis propozita ed establisita da Sovietia en 14 di mayo 1955 en Warszawa, Polonia, ed esis militala komplemento di Konsilantaro por mutual ekonomiala helpo (konocita en Ocidento da abreviuro COMECON). La kreado di Warszawa-pakto esis respondo a l'eniro di West-Germania en Nord-Atlantikal Uniono en 1955.
Fondinti
La sequanta landi partoprenis en la fondado di Warszawa pakto:
- Populala republiko di Albania (ne partoprenis pos 1961 ed abandonis formale l'organizuro en 1968, pos rupto inter Sovietia e Populala Republiko di Chinia)
- Populala republiko di Bulgaria
- Socialista republiko di Chekoslovakia
- Est-Germania
- Populala republiko di Hungaria
- Populala republiko di Polonia
- Populala republiko di Rumania
- Sovietia
Kande Imre Nagy asumis povo en Hungaria en 1956 ta lando abandonis Warszawa-pakto, ma Sovietia, kun la helpo di altra membri, invadis lando e renversis Nagy de povo. Trupi di pakto anke invadis Chekoslovakia en 1968 por haltar Printempo di Praha. En 1 di julio 1991, poka monati ante fino di Sovietia, Chekoslovakiana prezidanto Václav Havel anoncis fino di Warszawa-uniono.