Olimpiala Ludi en Athina, 1896

Oficala raporto de la 1896 Olimpiala Ludi.

L'Olimpiala Ludi en Athina (1896), od oficale la 1ma Olimpiala Ludi, esis internaciona plursporta konkurso, qua eventis en 1896 en Athina, Grekia. Pro ke l'anciena Grekia esis la naskoloko di l'Olimpiala Ludi, Athina selektesis kom eventeyo por l'unesma Olimpiala Ludi de la modern epoko.

Athina selektesis kom loko dum kongreso en Paris la 18ma di junio 1894. Pierre de Coubertin, aranjinto di la kongreso, esis Franca aristokrato e historiisto, qua havis intereso pri korpala edukado en skoli e pri anciena Grekia.

La Ludi komencis ye la 6ma di aprilo 1896. L'inauguro-ceremonio eventis ye la modernigita stadio Panathinaikos (ube, en anciena ero, eventabis atletala konkursi). Ol asistesis da cirkume 80.000 spektanti, inkluzite la Greka rejala familio. Muziko por l'okaziono pleesis da plura grupi de muzikisti e kori. Un olimpiala himno, kompozita da Spyridon Samaras (muziko) e Kostis Palamas (liriko) kantesis unesmafoye. Ta himno divenos oficala dum l'Olimpiala Ludi en Roma, 1960.

Esis nula Olimpiala flamo, qua aparis unesmafoye en la Ludi di Amsterdam, 1928. La sequanta dii esis eventi pri non sporti, inkluzite biciklovehado, gimnastikado, teniso e pezajoelevado.

Quankam kelk obstakli, la Ludi konsideresis granda suceso: 241 atleti de 14 landi partopenis, ed esis 43 eventi de 9 sporti. To signifikis la maxim granda partopreno di internaciona atleti til ta yaro. La klozala ceremonio eventis la 15ma di aprilo 1896.

Kelka fakti

• Rejulo Georgios 1ma di Grekia apertis la Ludi. La rejulo dicis: Me deklaras l'aperturo di l'Unesma Internaciona Olimpiala Ludi en Athina. Longa vivo a la naciono. Longa vivo a la Grekiana populo.

Medalio arjenta, donita a la vinkeri dum l'Olimpiala Ludi en 1896.

• L'inauguro-ceremonio eventis en la dio di Grekiana nedependo (la 4ma di aprilo en Gregoriala kalendario, e la 25ma di marto en Juliala kalendario).
• John Pius Boland, Irlandana nacionalisto qua konkurencis por l'Unionita Rejio, esis la championo di teniso en la Ludi.
• En teniso por dui, l'esquadi formacesis da mixurita nacionalesi. La duo formacita da Germaniana Friedrich Traun e Britaniana John Pius Boland vinkis la konkurso.
• La vinkinti ne recevis ora, ma arjenta medalii.
• Spiridon Louis divenis Grekiana heroo per lua vinko en la maratono.
• Usan atleto Thomas Burke vinkis la 100-metra kurado kun tempo di 12 sekundi.
• Germania vinkis 5 de 8 konkursi pri gimnastiko.

Medalii ganita

En blua, landi qui partoprenis en l'Olimpiala Ludi en 1896.

inauguro-ceremonio en la stadio Panathinaikos.

Yen la listo di landi qui ganis adminime 1 bronza medalio en 1896.

#	Lando	Ora	Arjenta	Bronza	Entote
1	Usa	11	7	2	20
2	Grekia	10	17	19	46
3	Germania	6	5	2	13
4	Francia	5	4	2	11
5	Unionita Rejio	2	3	2	7
6	Hungaria	2	1	3	6
7	Austria	2	1	2	5
8	Australia	2	0	0	2
9	Dania	1	2	3	6
10	Suisia	1	2	0	3
11	mixita esquadi	1	1	1	3
Totali		43	43	36	122