Ford

Logotipo* de Ford Motor Company.

Sideyo di Ford Motor Company en Dearborn, Michigan.

Ford Motor Company (ordinare konocita kom Ford) esas plurnaciona automobila fabrikanto kun sideyo en Dearborn, Michigan, proxim Detroit. Ol fondesis da Henry Ford ye la 16ma di junio 1903. La firmo anke vendas luxoza automobili sub la la marko Lincoln, e kontrolas Braziliana fabrikanto di "tota-tereni" Troller ed Australiana fabrikanto FPV. Antee, ol anke produktis kompozanti por automobili e traktori.

Ford anke kontrolas 2.1% di la loti de Japoniana fabrikanto di automobili Mazda, 8% di Aston Martin e 49% de Chiniana fabrikanto Jiangling. En 1989 ed en 2000 ol vendis rispektive Jaguar e Land Rover ad Indiana fabrikanto Tata Motors. En 2011 ol cesis lua brancho Mercury, qua produktis e vendis luxoza vehili en Usa, Kanada, Mexikia e Mez-Oriento pos 1938.

Ol esas la duesma maxim granda fabrikanto di automobili en Usa pos General Motors e la 5ma maxim granda fabrikanto del mondo, segun totalo di vendi en 2010. En la fino di ta yaro Ford esis la 5ma maxim granda automobila fabrikanto en Europa. En 2008 ol produktis 5 532 000 automobili ed employis 213,000 laboristi en 90 fabrikerii en tota la mondo.

Quankam lua loti vendesas en borsi pos 1956 la familio Ford kontinuas kontrolar cirkume 40% de la kompanio.

Historio

Henry Ford en 1919.

Lineo di asemblo di Ford, en 1913.

Komence, Henry Ford probis krear la kompanio Henry Ford Company en 1901, qua divenis Cadillac Motor Company en 1902, pos Ford departar portante la yuri pri lua nomo. En 1903 ilu fondis Ford Motor Company, kun US$ 28,000.00 en pekunio furnisita da 12 kolokeri, meze li la fratuli John e Horace Dodge, qui pose fondus lia propra automobila kompanio. Dum l'unesma yari la kompanio produktis poka automobili en lua fabrikerio an l'avenuo Mack, e pose en fabrikerio an l'avenuo Piquette, en Detroit, Michigan. Grupi di du o tri laboristi verkis en singla automobilo, e muntis ol kun kompozanti produktita da altra fabrikerii. Pos un yardeko, Ford expansis la sistemo di asemblo en serio e komencis manufakturar kompozanti por l'automobili.

Henry Ford evis nur 39 yari kande ilu fondis Ford Motor Company, qua divenabos un de la maxim granda e maxim profitoza automibila kompanii del mondo. La familio di Ford kontinuas kontrolar la kompanio mem pos plu kam 100 yari.

De 1903 til 1908 la kompanio produktis la modeli A, B, C, F, K, N, R, e S. La maxim multa vendis de kelka centi til kelka mili exempleri omnayare. En 1908 la kompanio lansis Ford Modelo T, qua vendis plu kam 16.5 milion exempleri en tota la mondo. En 1927 la Modelo A remplasis la Modelo T, ed esis l'unesma modelo kun vitro di sekuresoen en la paravento. La kompanio transvivis la Granda Depreso di 1929 e lansis l'unesma chipa modelo kun motoro V8 en la yaro 1932.