Jefferson City, Missouri

Jefferson City esas chef-urbo di Missouri, stato en Usa. Segun la demografiala kontado di 2000, lua habitantaro esis 39,636 personi. Ol esas la sideyo dil komtio Cole. Parto dil urbo jacas en la komtio Callaway, ank en Missouri.

Historio

Kande Europani unesme venis a la regiono, indijeni de raso Osage habitabis ol. Jefferson City nomesis pro la triesma prezidanto di Usa, Thomas Jefferson, e divenis chef-urbo en 1821. Til lore Jefferson City nomesis Lohman's Landing. En 1839 ol enkorpigesis kom urbo.

Geografio

Jefferson City jacas a 38.57° N 92.19° W.

Segun l'Usana Kontado-ministerio, l'urbo havas entote 73.2 km², equivalanta a 28.3 mi²), di qui 70.6 km² o 27.2 mi² esas lando e 2.6 km²(1.0 mi², 3.61% de totala surfaco) esas aquo.

Demografio

Segun la demografiala kontado di 2000, esis 39,636 homi, 15,794 hemanari, e 9,207 familii qui rezidis en la urbo. La denseso di habitantaro esis 561.6/km² (1,454.4/mi²). Esis 16,987 domi kun mezvalora denseso di 240.7/km² (623.3/mi²). Segun raso, esis 81.50% Blanki, 14.70% Negri od Afrik-Usani, 0.38% indijeni Amerikana, 1.23% Aziani, 0.05% Pacifik-insulani, 0.62% de altra rasi, e 1.52% de du o plura rasi, e 1.55% de la habitanti esis Hispan-Amerikani o Latin-Amerikani.

Esis 15,794 hemanari di qui 27.9% havis pueri evante min kam 18 yari en la domo, 44.4% esis mariajita e habitis kune; en 10.8% muliero sen spozulo esis la domo-chefo, e 41.7% esis ne-familii. En 36.1% de omna hemanari vivis unika sola individuo, e 11.9% habitesis da singla individuo evante 65 yari o pluse. La mezvalora grandeso per hemanaro esis 2.21 e la mezvalora grandeso per familio esis 2.90 personi.

La procento di habitanti segun evo esis: 20.9% evante min kam 18 yari, 11.0% de 18 til 24 yari, 32.1% de 25 til 44 yari, 22.0% de 45 til 64 yari, e 14.0% evante 65 yari o pluse. La mezvalora evo esis 36 yari. Por singla 100 mulieri esis 105.3 viri. Por singla 100 mulieri evante 18 yari o pluse esis 106.6 viri.

La mezvalora revenuo per hemanaro en l'urbo esis $39,628, e la mezvalora revenuo per familio esis $52,627. La mezvalora revenuo por la viri esis $35,050 kontre $25,521 por la mulieri. La revenuo per capita por l'urbo esis $21,268. Vivis sub la povreso-lineo 11.5% de la habitantaro e 7.3% de la familii. Ek omna habitantaro evante min kam 18 yari, 17.1%, ed ek omna habitantaro evante 65 yari o pluse 7.1% vivis sub la povreso-lineo.

Altri

• L'edifico di la prefekteyo kontstruktesis en 1917 en stilo di la renesanco Italiana.
• Statuo en la tekto dil edifico esis deino Ceres.

Extera ligili

• oficala situo