Montreux

Montreux vidata de Lago Léman

Montreux esas municipo en la distrikto Riviera-Pays-d'Enhaut en la kantono Vaud en Suisia.

Ol situesas an Lago Léman ye la bazo dil Alpi e havas habitantaro, en decembro 2015, di 26.433, e preske 90.000 en la cirkumajo dil urbo.

Historio

La maxim frua kolonio esis vilajo dum la Tarda Bronz-Epoko en Baugy. Montreux jacas an la nordesta rivo di Lago Léman ye forko en la Romana strado de Italia trans la Simplon-defileo, ube la stradi al anciena Romana chefurbo Aventicum e la strado aden Galia tra Besançon divergis. Pro to ol esus importanta kolonio en la Romana epoko. Romana villa de la 2ma-4ma yarcenti e tombeyo de la 6ma-7ma yarcenti deskovresis.

En la 12ma yarcento, vit-kultivo enduktesis aden la regiono, e la sunoza inklini di la lago de Lavaux a Montreux divenis importanta vinifo-regiono. Montreux unesme mencionesis en 1215 kom Mustruel.

Geografio

Lago Léman de Montreux

Montreux havas areo, en 2009, di 33,4 km². Ek ico, 8,47 km² o 25,4% uzesas por agrokultivo, e 16,93 km² o 50,7% esas foresti. Ek la cetera lando, 6,37 km² o 19,1% esas konstruktita (edifici o stradi), 0,08 km² o 0,2% esas sive riveri sive lagi, 1,59 km² o 4,8% esas neproduktiva.

Ek la konstruktita areo, domi ed edifici esas 10,9%, transport-substrukturo esas 6,3%. Ek la foresto-lando, 47,0% del tota areo esas parforesta e 3,1% esas fruktarboreyi od arborareti. Ek la agrokultivo-lando, 0,4% uzesas por kultivo e 8,8% esas pastureyi, e 1,6% uzesas por fruktarboreyi o viteyi e 14,7% por alpi.

La municipo esis parto dil distrikto Vevey til olua dissolveso ye 31ma agosto 2006, lore Montreux divenis parto dil nova distrikto Riviera-Pays-d'Enhaut.

La municipo kovras areo de Lago Léman a la bazo dil suisa Alpi (Rochers-de-Naye). Ol inkluzas la olima municipi Montreux-Les Planches (til 1952 Les Planches) e Montreux-Le Châtelard (til 1952 Le Châtelard). Ol formacesis en 1962 per la uniono dil du ex-municipi.

Kulturo

Montreux esis refujeyo por Catherine Barkley e Lt. Frederic Henry en la romano da Ernest Hemingway, A Farewell to Arms.

Montreux esas la hosto di plura remarkinda festivali:

• La Septembre musical de Montreux, fondita en 1946 ed eventis omnayare depose.
• Freddie Mercury's Montreux Memorial Day, yarale dum la unesma semanfino di septembro depos 2003.
• La Montreux Jaz-Festivalo, yarale en julio since 1967. Ol evenetas che la Montreux Music & Convention Centre e divenis globala fenomeno.
• La Festival de la Rose d'or, yarale en printempo (1961–2003), quo premiizis la Rose d'Or di Montreux, internaciona televizion-premio.
• La Golden Award of Montreux, yarale en aprilo, tradicionale, depos 1989, la unesma internaciona reklamo-konkurso en Europa - inicias la globala sezono por agnosko di kreiva ecelo.Montreux posedas un ek of la maxim bela promeni alonge la lago, de Villeneuve til Vevey. La urboplaco, Place du Marché, havas statuo di Freddie Mercury qua regardas vers Lago Léman. Vilajeti cirkum Montreux inkluzas La Tour-de-Peilz, Clarens, Territet, e Villeneuve. La Château de Chillon provizas marveloza vido di tota Lago Léman, ed esas facile acesebla per autobuso, treno, marcho o batelo.