L'aventuri di Alicia en Marvelia

Ilustruro da John Tenniel pri la "Fola teo-partio", 1865

L'aventuri di Alicia en Marvelia (Angle: Alice's Adventures in Wonderland) esas rakonto di la jenro puerala literaturo, dal matematikisto e skriptisto Charles Lutwidge Dodgson, ordinare konocata sub la pseudonimo Lewis Carroll. Ol publikigesis unesme en 1865, en Angla linguo.

En la historio, puerino insinuas su tra kuniklo-truo aden fantastika teritorio populizita da paroliva animali ed antropomorfa ludkarti. Yen la komenco dil unesma chapitro, tradukita da Gonçalo Neves:

Alicia komencis sentar granda tedeso pro sidar apud sua fratino an la rivo e pro havar nulo facenda: un- o dufoye el oglabis aden la libro lektata dal fratino, ma ol havis nul imaji o konversi, “e por quo utilesas libro”, pensis Alicia, “sen imaji o konversi?”