Primtipo

Taroko-karto montras figuro qua povas asociesar kun la primtipo "heroo".

Primtipo esas generala, idealigita modelo di persono, objekto, o konceptajo de qua simila instanci derivesas, kopiesas, konformigesas, od imitesas.

Segun Jung-ana psikologio, primtipo esas universala ed arkaika simboli ed imaji, qui devenas de tale nomizita "kolektiva nekoncio". Ca simboli ed imaji esas la psikala kontreparto dil instinto. On povas deduktar pri l'existo di primtipi nur tra l'analizo di arto, rakonti, miti, religii, o sonji.

Jung deskriptis, kom primtipa eventi: nasko, morto, separo di gepatri, l'inicieso, la mariajo e l'unigo di opozanti. Kom primtipa personaji: la matro, la patro, la puero, la diablo, Deo, la saja oldulo, la saja oldino, la trompero, e la heroo. E kom primtipa temi: apokalipso, diluvio, e la mito pri kreado. Malgre existar senfina primtipi, "la precipua" segun Jung, esas "l'umbro", "la saja oldulo", "la puero", "la matro", e lua kontreparto, "la damzelo", la primtipal imajo pri la viri, nomizita animus da Jung, e lua kontreparto ánima, o la primtipal imajo pri mulieri.