Brian May
| Brian Harold May | ||
| ||
| Profesiono: | muzikisto | |
| Lando: | .svg){kind=small} Unionita Rejio
| |
| Naskodato: | 19 di julio 1947 | |
| Nasko-loko: | Hampton, Middlesex, Anglia | |
| Retoloko: | http://www.brianmay.com/ | |
Brian Harold May, CBE (19ma di julio 1947) esas Angla muzikisto, kantisto, kanson-skribisto ed astrofizikisto, maxim bone konocata kom precipua gitaristo dil "rock"-grupo Queen.
Il uzas heme-konstruktita elektrala gitaro, qua nomesas la Red Special]]. Lua kompozuri por la grupo inkluzas "We Will Rock You", "Tie Your Mother Down", "I Want It All", "Fat Bottomed Girls", "Flash", "Hammer to Fall", "Save Me", "Who Wants to Live Forever" e "The Show Must Go On".
May esis kunfondinto di Queen kun precipua kantisto Freddie Mercury e tamburisto Roger Taylor, pleinta kun Taylor en la grupo Smile. Kin yari pos lia formaco en 1970 e la rekruto di basisto John Deacon, Queen establisis su kom un ek la maxim sucesoza "rock"-grupi en Britania per la albumo A Night at the Opera e la kansono "Bohemian Rhapsody". De la meza-1970a yari til la frua 1990a yari, Queen esis preske konstante prezenta en la britana rangi, e pleis granda eventi cirkum la mondo, maxim remarkinde aklamita pleo che Live Aid en 1985.
Kom membro di Queen, May egardesis kom virtuozo-muzikisto, ed il asociesis kun distinta sono kreita per lua stratoza gitar-arto. Pos la morto di Mercury en 1991, Queen pauzis dum plura yari ma fine riasemblesis da May e Taylor por plusa plei kun altra kantisti. En 2005, inquesto che Planet Rock votis May kom la 7ma maxim bona gitaristo di omna tempo. Il rangizesis ye no. 26 en listo en jurnalo Rolling Stone dil "100 Maxim Bona Gitaristi di Omna Tempo". En 2012, May rangizesis kom la 2ma maxim bona gitaristo di omna tempo da inquesto di lekteri di jurnalo Guitar World.
Il nominesis kom Commander of the Most Excellent Order of the British Empire (CBE) en 2005 pro "servi al muzik-industrio e pro karitatala laboro". May atingis PhD en astrofiziko de la fakultato Imperial College en London en 2007 ed esis Kancelero dil universitato Liverpool John Moores de 2008 til 2013. Il esis "cienco-esquado-kunlaboranto" che la NASA-misiono New Horizons. Il esas anke kunfondinto dil kampanio Asteroid Day. L'asteroido 52665 Brianmay nomizesis pro lu. May esas anke aktivisto por animalo-yuri, kampanianta kontre chaso di foxi ed ocido di daxi en l'Unionita Rejio.