Charles Aznavour
| Charles Aznavour | ||
| ||
| Profesiono: | Kantisto, kompozisto, aktoro e diplomacisto | |
| Lando: |  Francia
| |
| Naskodato: | 22 di mayo 1924 | |
| Nasko-loko: | Paris, Francia | |
| Mortodato: | 1 di oktobro 2018 | |
| Morto-loko: | Mouriès, Francia | |
| Retoloko: | https://aznavourfoundation.org/ | |
Charles Aznavour (n. Shahnour Varinag Aznavourian ye la 22ma di mayo 1924 - 1ma di oktobro 2018) esis Franca-Armeniana kantisto, kompozisto, aktoro, skriptisto e diplomacisto.
Lua kantistala kariero komencis ye 1946. Il enrejistris cirkume 1200 kansoni en plura lingui: Franca, Angla, Itala, Hispana, Germana, Armeniana, Napolitana, Rusiana e Kabiliana. Il skriptis o kunskriptis plu kam 1000 kansoni, sive por il ipsa, sive por altra kantisti.
Il esas un ek la Franca kantisti maxim famoza exter la Franca-parolantaro. La informili CNN e Time nominis ilu kom "amuzero del 20ma yarcento", mem super Elvis Presley e Bob Dylan.
Sen renegar sua Franca kulturo, il reprezentas Armenia en plura diplomacala instanci internaciona depos 1995 ed il aquiras la nacionaneso Armeniana en 2008. Il nominesis kom ambasadisto di Armenia en Suisia, ube il habitis, e kom permananta reprezentanto di Armenia che Unionita Nacioni til sua morto.