Duesma yarmilo

De Wikipedio
Eventi de la 2ma yarmilo. Desupre adinfre, desinistre addextre: 1492 - Arivo di Cristoforo Colombo en Amerika; 1776 - Usana revoluciono; 1453 - Otomani konquestas Konstantinoplo; 1945 - Atomobombo; Elektrala lampo; 1969 - Neil Armstrong che Luno; l'Aviono; Napoléon Bonaparte. Centre: Alexander Graham Bell kun telefonilo; ed imajo de la Biblo imprimita da Johannes Gutenberg.

La duesma yarmilo esis yarmilo qua iris de la yaro 1001 til la yaro 2000, o la 11ma yarcento til la 20ma yarcento. Dum ca yarmilo, eventis la fino di Mezepoko, la Renesanco, la komenco e la fino di Modern-epoko, e la komenco di Nuntempal epoko. Dum la lasta du yarcenti del yarmilo eventis l'avanco dil Industriala Revoluciono, granda evolucioni en la medicino, la deskovro di quale uzar petrolo, elektro ed atomala energio, la developo di motori, edc.

La habitantaro de la mondo kreskis multe dum ca yarmilo, malgre la granda mortado dum militi (exemple: Cent-yara milito, l'Unesma mondomilito e la duesma mondomilito) e dum pandemii, exemple Nigra pesto, l'epidemii di variolo, ed AIDS. Ye la yaro 1000 la Tero havis cirkume 310 milion habitanti; en 2000 ol havis cirkume 6 miliardi.