Ensenada, Baja California

De Wikipedio
DIversa imaji di Ensenada

Ensenada esas litoral urbo en Mexikia, la triesma maxim granda en Baja California.

Jacanta 125 kilometri sude de San Diego en la peninsulo Baja California, ol lokale referesas kom La Cenicienta del Pacífico, "La Cinderela di la Pacifiko".

Un ek l'unesma kolonii fondita en le California, Ensenada emersis kom destino por krozo-navi, aerospaco-centro, e pordeyo a Valle de Guadalupe, lokala vino-regiono. Un ek l'unesma Vitis vinifera atingis la Misiono San Ignacio en 1703, kande la jezuito Padre Juan de Ugarte plantacis l'unesma viteyi ibe.

Situita an la litoro di Bahía de Todos Santos, la Portuo di Ensenada esas importanta komercala, peskala, e turismala portuo. L'urbo gastigas mararmeo-bazo, armeo-bazo, e milital aeroportuo.

Ensenada esas la municipala sideyo e kultural e komercala centro dil municipo Ensenada. En 2015, la municipo havis habitantaro 519.813.

Dop Ensenada esas mikra montari. Proximeso a la Pacifiko e varma Mediteraneana latitudo kreas milda vetero totyare. La pluvo-sezono dum la vintro esas kurta e l'areo subisas longa sikeso-periodi, qui povas minacar la vitobero-rekolti.

La Nacionala Parko Constitución de 1857 esas proxima, anke la Sierra de Juarez e Nacionala Parko San Pedro Martir, qua mantenas un ek la maxim bona astronomial observatorii en la lando.