Geoffrey Plantagenet, Komto de Anjou

De Wikipedio
Geoffrey, Komto de Anjou

Geoffrey Plantagenet, Komto de Anjou (1113 til 1151) esis la duesma spozulo di Matilda, elqua dum ula periodo esis rejino di Anglia. Li mariajis en 1128 por avantajizar relati inter Anjou ed Anglia/Normandia; el esis plu evoza kam il per 11 yari. Matilda esis vidvino di Henry la 5ma, Santa Romana imperiestro di Germana naciono; pro to, el esis nomizita Imperiestrino Matilda.

La nomo Plantagenet donesis al ancestro di Geoffrey qua kustumale portis, en sua chapelo, brancheto di ginesto-planto.

Un de la filii di Geoffrey e Matilda divenis rejulo Henry la 2ma di Anglia en 1154. Il ed omna sequanta reji di Anglia, til rejo Richard la 3ma di Anglia qua mortis en 1485, esis di la dinastio Plantagenet, a qua Geoffrey donis sua familio-nomo.

Il mortis ye la 7ma di septembro 1151 ye Chateau-du-Loire, Francia, evante 38 yari. Ilu esis enterigata en la Katedralo di Le Mans.