Jacque Fresco

Jacque Fresco
Profesiono:	industriala desegnisto, social injenioro, skriptisto
Lando:	Usa
Naskodato:	13 di marto 1916
Nasko-loko:	Brooklyn, New-York, Nova-York
Mortodato:	18 di mayo 2017
Morto-loko:	Sebring, Florida
Retoloko:	https://www.thevenusproject.com

Jacque Fresco (Brooklyn, New York, 13ma di marto 1916 - 18ma di mayo 2017) esis Usan industriala desegnisto, skriptisto, inventero, futuristo e fondinto di la Venus Project.

Ilu komencis sua profesionala kariero kom desegno-konsultanto che la kompanio Rotor Craft Helicopter Company.  Il servis en l'armeo en la Design and Development Unit che l'Aerobazo Wright-Patterson en Dayton, Ohio, Usa, e laboris che la Raymond De-Icer Corporation kom reserch-injenioro.

Ilu propagis dum lua vivo, inter altra idei, resurso-fondita ekonomio.

L'avanco di teknologio livros plu multa moyeni a plu multa homi, tale korupteso ed avareso desaparus, e homi havus plu multa chanco kooperar.

Venus Project fondesis cirkume 1975 da Fresco e Roxanne Meadows en Venus, Florida, Usa.  La resercho-centro esas spaco de 85.000 m² kun diversa kupolatra edifici desegnita da Fresco.  Hike editesas libri e filmi kontenanta koncepti ed idei laborenda.  Fresco havas larja gamo de skalmodeli surbaze lua desegni.

Venus Project fondesas sur la ideo ke povreso produktesas dal sufokanta funcionado di sistemi propulsata da alta profiti.

En 2006 aparis la filmo Future by design, en qua la vivo e laboro da Jacque Fresco deskriptesas.

Venus Project esas salianta en la filmo di 2008 Zeitgeist kom posibla solvo di mondala problemi. Seque la filmo la Zeitgeist Movement fondesis por suportar la transito de monetala ekonomio a resurso-fondita ekonomio.