Sateliti di Plutono

De Wikipedio

Plutono havas kin konocita naturala sateliti: Karono, Styx, Nix, Kerberos, e Hydra. La maxim granda, Karono, esas plu granda kam irga satelito komparante a sua planeto.

La sistemo di Plutono[redaktar | redaktar fonto]

La sistemo di Plutono, segun NASA.

La maxim granda e proxima satelito di Plutono esis deskovrata ye 22 di junio 1978, preske duimo de un yarcento pos la deskovro di Plutono. Usana astronomo James Christy, explorante imaji di Plutono prenita dum antea monati, remarkis ke ol semblis esar plulongigita; serio de imaji montris ke ca plulongigo movis de un latero a la altra, kun ciklo 6,4 terala dii, quo esas sama kam la rotaco-periodo di Plutono. Explorante plusa imaji, prenita plura yari antee, il trovis la sama plulongigo. Christy donis la nomo Karono a la nova satelito. Imaji di Plutono e ca satelito esas facile distingata per plu moderna teleskopi. Ni savas ke Karono havas diametro 1207 km (quo esas cirkume duimo de la diametro di Plutono), ed esas cirkume 20000 km de Plutono.

Du altra sateliti videsis da kosmala teleskopo „Hubble“ ye 15 di mayo 2005. Plusa aktiveso da Hubble por facar imaji di la sateliti eventis ye junio 2006.

New Horizons atingis la plutonala sistemo ye 2015.

Sateliti di Plutono[redaktar | redaktar fonto]

Noti: * Vartanta konfirmo di la orbiti, e nomizo.
Nomo
Diametro (km) Pezo (kg) Axo (km) Periodo di orbito (dii) Dato di deskovro
(Plutono) (2284) (13×1021) (2450) (6.3872) (1930)
Plutono I 'Karono' 1192 1.6×1021 19,410 6.3872 1978
S/2005 P 2* 32-145 [1] [2] < 5×1018 49,400 ± 600 25.5 ± 0.5 2005
S/2005 P 1* 52-160 [3] < 5×1018 64,700 ± 850 38.2 ± 0.8 2005
Fotografo di 7 julio 2012, montranta Styx e la altra sateliti di Plutono

Ye 11 di julio 2012, la deskovro di nova satelito di Plutono esis anuncata; ol esis la kinesma satelito deskovrita di la nana planeto. Plura imaji fotografita de 26 di junio til 9 di julio 2012 da la Hubble-teleskopo esis analizata, quo duktis a ca rezultajo. La nomo Styx por la satelito esis anuncata, pos kelka debato, ye 2 di julio 2013. Styx havas diametro inter 10 e 25 km, e la orbito, qua esis preske cirklatra quale la altra sateliti deskovrita, havas disto cirkume 42.000 km de Plutono.

Videz anke[redaktar | redaktar fonto]

Referi[redaktar | redaktar fonto]

(en angla)

Extera ligili[redaktar | redaktar fonto]

(en angla)


Sateliti di Plutono
Kharon | (S/2005 P 2) | (S/2005 P 1)