Tarzan

De Wikipedio
Imaji pri l'unesma revuo, publikigita en 1912 (adsinistre), e l'unesma libro, publikigita en 1914, pri Tarzan
Ron Ely interpretas Tarzan por televiziono-serio, 1968.

Tarzan esas fiktiva personajo qua kreesis en l'Afrikana junglo meze la granda simii di Afrika. Ol aparis unesmafoye en la novelo Tarzan of the Apes ("Tarzan de la Simii") qua publikigesis en 1912 en formo di revuo dal Angla skriptisto Edgar Rice Burroughs. En formo di libro ol publikigesis unesmafaoye en 1914.

Ol esas un ek la maxim konocita personaji del mondo. L'unesma libro, Tarzan of the Apes, evaluesis bone dal kritikisti, tamen la sequanta verki pri la sama personajo konsideresis derivita verki, qui sequis formuli poke kreiva.

Elmo Lincoln esis l'unesma aktoro qua interpretis Tarzan por la cinemo, en 1918. De 1932 til 1948 l'aktoro Johnny Weissmuller partoprenis en 12 filmi pri la personajo. Dum la yari 1960ma, Ron Ely interpretis Tarzan por televiziono-serio, de 1966 til 1968.