Tübingen

De Wikipedio
Tübingen
La civito di Tübingen.
Blazono
Lando: Germania
Regiono: Badenia-Wurtemberg
Informo:
Latitudo: 48/31/12/N
Longitudo: 9/03/20/E
Altitudo: 341 m
Surfaco: 108,12 km²
Habitanti: 85.344 (2008)
Denseso di habitantaro: 789 hab./km²
Disto de Berlin: 683 km
Horala zono: UTC+1
(UTC+2 dum la somero)
Urbestro: Boris Palmer
Mapo di Tübingen
Oficala retosituo:
https://www.tuebingen.de

Tübingen esas urbo en Badenia-Wurtemberg en la sudo-westo di Germania, cirkume 45 kilometri sudala de Stuttgart. Esas la chef-urbo di la sam-noma distrikto.

Tübingen esas famoza universitato-urbo. L'universitato havas cirkume 25.000 studenti. La multa studenti dominacas la vivo en l'urbo. Segun l'evo di la habitantaro Tübingen esas la maxim yuna urbo en Germania. L'universitato nomizas Universitato Eberhard Karls e fondesis en 1477.

En 1078 l'urbo mencionesis unesmafoye. Multa famoza personi habitis e studiis en Tübingen. La medicinisto e botanikisto Leonhart Fuchs, la poeti Friedrich Hölderlin, Hermann Hesse, Ludwig Uhland ed Eduard Mörike, la teologiisti Melanchton ed Hans Küng, la papo Benedictus la 16ma, la ex-federala prezidanto di Germania Horst Köhler e la politikisti Kurt-Georg Kiesinger (ex-federala kancelero), Roman Herzog (Ex-prezidanto di Germania) e multa altra famoza personi.

La nuna urbestro di Tübingen esas Boris Palmer depos yaro 2007. Il esas membro di la partiso “La Verdi”.

La komon-domo e la civito esas konservata bone. En la civito esas multa streta stradeti. En Tübingen esas anke la kastelo Hohentübingen. La majoritato dil habitantaro esas protestanti. La Stiftskirche esas la maxim importanta protestanta kirko. La LTT (Landala Teatro Tübingen) esas la maxim granda teatro dil urbo. Existas multa muzei en Tübingen quala Kunsthalle Tübingen (Arta halo Tübingen) e Museum Schloß Hohentübingen (Muzeala-kastelo Hohentübingen).

En Tübingen eventis l'Ido renkontro 2010.