Stacioni dil Kruco
La Stacioni dil Kruco o La Voyo dil Kruco, anke konocata kom La Voyo di Dolori o La Via Crucis, esas serio di imagi reprezentanta Iesu Kristo en la dio di Sua krucago, kun akompananta pregari. La stacioni evoluis de imituri dil Via Dolorosa en Ierusalem, qua esas tradiciona procesionala voyo simboliganta la voyo kaminita da Iesu al monto Kalvario. La celo dil stacioni esas helpar la Kristana fideluli facar spiritala pilgrimado per kontemplo dil Pasiono di Kristo. Ol esis adoptita kom unu dil maxim populara devocioni, e la stacioni povas esar trovita en multa Ocidenta Kristana kirki, inkluzante ti dil Katolika[1], Luterana[2][3], Anglikana[4], e Metodista tradicioni[5][6].
Komune, serio di 14 imagi esas arangita en numerizita ordo lungo voyo, che qua la adoranti — individue o en processiono — movas sin en ordo, haltante che singla staciono por pregar e meditacar pri la aferi asociita kun ta staciono.[7][8][9] Ti devocioni esas maxim komuna dum la Karesmo, speciale en la Bona Venerdio, e reflektas spirito di repareso por la suferi e insulti qua Iesu toleris dum Sua pasiono.[1][10] Kom fisika devociono implicanta stari, genu-flexi, e klini, la Stacioni dil Kruco esas ligita kun la Kristana temi di pento e mortifikado dil karno.
La stilo, formo e poziciono di la stacioni varias multe. La tipa stacioni esas mikra plaki kun reliefo o pikturi pozicionita cirkum nave di kirko. Moderna minimalistika stacioni povas esar simpla kruco kun numeralo en la centro.[7][11] Kelkafoye, la fidel esas povas dicar la stacioni di la kruco sen ke irga imajo esas, exemple kande la papo duktas la stacioni di la kruco cirkum la Koloseo en Roma ye la Santa Venerdio.[12]
Referi
[redaktar | redaktar fonto]- ↑ 1,0 1,1 5 Things with Father Bill: Hope, Humor, and Help for the Soul. date 16 October 2020. Idiomo: English.
- ↑ Stations of the Cross (en). Holy Trinity Lutheran Church.
- ↑ (15 April 2022) Good Friday: Stations of the Cross Explained. Sinclair Broadcast Group, Inc. (KJZZ14).
- ↑ (236) Lent. Church of England.
- ↑ (24 March 2013) Stations of the Cross (en). Trinity UMC.
- ↑ (4 April 2017) Stations of the Cross (English). Epworth United Methodist Church.
- ↑ 7,0 7,1 (2012). Stations of the Cross. St. Michael's Episcopal Church.
- ↑ Ann Ball, 2003 Encyclopedia of Catholic Devotions and Practices (ISBN 0-87973-910-X)
- ↑ The Catholic Prayer Book and Manual of Meditations (1883) by Patrick Francis Moran /The Way of the Cross
- ↑ Sermons and Notes of Sermons. date 1920. Idiomo: English.
- ↑ Christians in the Twenty-First Century. date 11 September 2014.
- ↑ Frommer's Events – Event Guide: Good Friday Procession in Rome (Palatine Hill, Italy). Frommer's.