Tamagochi

Tamagochi (en la Japoniana: たまごっち) esas virtuala domestikal animalo designita da Aki Maita e surmerkatigesis da fabrikerio Bandai. En 1996/1997 ol esis granda manio en la mondo. Tamagochi esas plata ovalo de ck. 5 cm diametro e pensigas pri ovo. La materialo esas plastika ed ol kontenas mikra komputero kun lcd-skreno. Sub la skreno esas tri butoni per qua on nutras, en- ed ekswichar la lumo (tamagochi prizas dormar en l'obskureso), donar medikamenti, punisar mala konduto e ludar kun la tamagochi. La tamagochi povas 'klamar' la proprietanto (fakte: pipiar). La kresko e stando di la tamagochi dependas de olua proprietanto.

La nomo tamagochi esas kompozita de 'tamago', la Japonia vorto por 'ovo' e l'Angla vorto 'watch' (horlojo).