Tamar (rivero en Australia)

De Wikipedio
Salti al navigilo Salti al serĉilo
Rivero Tamar

Tamar o Kanamaluka esas 70-kilometra estuario en nordala Tasmania, Australia.

Malgre ofte referesar kom rivero, ica aquovoyo esas saloza e mareala estuario de fonto ad ekflueyo.

formacita per la kunfluo di la riveri North Esk e South Esk en Launceston, Tamar fluas ordinare adnorde vers sua ekflueyo che Low Head, norde de George Town ed aden la stretajo Bass per Port Dalrymple. Tamar havas plura enfluanta branch-rivereti, inkluzite la rivero Supply.

La faro Low Head situesas ye la pinto di la peninsulo, an la esta rivo dil ekflueyo di Tamar. L'unika transireyo dil rivero esas la ponto Batman en la fora loko Sidmouth, mi-voye alonge la rivero.

Quankam la portuo di Launceston nun uzesas poke kompare antee, e la SeaCat Tasmania-paromo ne plus endokeskas en George Town, la rivero ankore uzesas por navo-trafiko, kun lejera e pezoza industrii en George Town inkluzanta aluminio-fuzerii, ultre komercala batelo-krozi.

Tamar nomizesis pro la Rivero Tamar en sudwestal Anglia, dal kolonelo William Paterson en decembro 1804.