The Prisoner

De Wikipedio
Jump to navigation Jump to search
Portmeirion, Wals, ube The Prisoner produktesis

The Prisoner esis Britaniana televizion-serio quo brodkastesis inter aprilo ed oktobro 1967. Malgre ke nur 17 epizodi facesis, The Prisoner kreskis aden un ek la maxim legendala e famoza televizion-serii di omna tempo.

La serio esis granda suceso e ganis quik enorma "kulto"-spektantaro. Hodie la serio ankore havas multa fanatiko-klubi ed ankore ofte priparolesas e priskribesas. The Prisoner egardesas kom serio qua influegis la historio di televiziono.

La serio koncernas sekreta agento qua, pos desengajesar, kaptesas ed enkarcerigesas en idiliala vilajo. Il ne povas eskapar la vilajo e trovas obskura komploto.

La serio produktis tatempe multa kontroverso pro ke ol koncernis temi quala drog-uzado, la Kolda Milito, e la yuro di privateso. Omna ca temi esis tre aktuala tatempe.

Oficale la serio apertenas la spiono-jenro, ma la diversa epizodi kontenas elementi di plura jenri, de thriller e ciencala fiktivajo, a komedio e mem western. Anke famoza esas la desegno dil serio: stiloza kostumi dil yari 1960ma, dekoruri, surealista loki e "psikadelika"* kolori.

La forteso dop la serio esis Patrick McGoohan. Il ne nur pleis la chefrolo, il anke produktis e skribis la serio. Il anke direktis plura epizodi.

La serio produktesis tote en la marbordala vilajo Portmeirion en Wals, Unionita Rejio. La vilajo esas nun pilgrimeyo por fanatiki di The Prisoner.