Titanic

De Wikipedio
Irez ad: pilotado, serchez
Maro-probi, 2 di aprilo 1912

Titanic esas paketboto qua sinkis dum lua unesma voyajo kolizionante glaciomonto ye 2.20 kloki, la 15ma di aprilo 1912 en nord-Atlantiko, proxim Newfoundland.

Konstruktita en Belfast, Irlando per White Star Line ol lor esis granda e moderna vaporomashino navo kun multa divizi (ma ne klozita supere por protektar) por restar flotacanta.

La nav-korpo di la Titanic lansesis ye la 31ma di mayo 1911. La konstruktado di la navo komencis en marto 1909, e 2000 stala plaki, la plu multa havanta cirkume larjeso 1,8 m e longeso 9,1 m, divenis parti di la nav-korpo. Li juntesis kun plua kam 3 mil riveti. Cirkume 100.000 spektanti vidis la lansado. La navo esis equipata dum la sequanta monati, e maro-probi komencis ye la 2ma di aprilo 1912. L'unesma voyajo kun pasajanti, qua finus tragediale, komencis ye la 10ma di aprilo ta yaro.

La navo jus eniris en kolda aquo di fluo di Labrador, do alta preso atmosferala qua trublis vidado. L'observisto, qua ne havas bilorno, vidis glaciomonto nur min 2 km avane. La navo chanjis direciono ma tro lente, e l'obstaklo lacerabis lua kareno sub la flotaco-nivelo.

La navo SS Californian esis proxim ma sua kruo ne komprenis la ditresala signali.

La navo havis 2 224 pasajeri e kruala membri, e 1 513 personi (25% ek la mulieri e preske nula pueri, kontre 80% de la viri) dronis su.

Salvo-navi konceptita per transferar ad altra granda navo ne esis autonoma.

Multa chanji en regulizi plubonigis pro ca tragedio.

Alta mareo[redaktar | redaktar fonto]

Ye la 4ma di januaro 1912, tri monati ante la naufrajo, la Luno esis a minima disto de la Tero, tale Suno, e to produktis alta marei. L'alta mareo liberigis multa glaciomonti.