Traktado di Guadalupe Hidalgo

De Wikipedio
Irez ad: pilotado, serchez
Ex-Mexikiana teritorii, cedita da Traktado di Guadalupe-Hidalgo.

Traktado di Guadalupe-Hidalgo (en Hispaniana Tratado de Guadalupe Hidalgo, en Angliana Treaty of Guadalupe Hidalgo) esis paco-pakto en granda parto diktatita da Usa a provizora guverno di Mexikia, qua finis Mexikia-Usana milito (1846 til 1848). La termini di paco-pakto esis negociita da Nicholas Trist, reprezentero di Usana prezidisto James Knox Polk, ed obligis Mexikia a cedar ad Usa nuna teritorii di Kalifornia, Nevada, Utah, e granda parto di nuna Arizona, Nova Mexikia e Kolorado. Mexikia anke abandonis revendiki pri Texas.

Traktado anke certigis sekureso di existanta privata proprieti di Mexikiana civitani qua vivis en transferita teritorii. Usa anke aceptis asumar 3,25 milioni di dolari ke Mexikia debis ad Usana civitani.