Unionita Araba Emirati

De Wikipedio
Irez ad: pilotado, serchez
Unionita Araba Emirati
الإمارات العربيّة المتّحد
Al-Imārāt al-Arabia al-Muttahida
Flag of the United Arab Emirates.svg Emblem of the United Arab Emirates.svg
Flago di Unionita Araba Emirati Blazono di Unionita Araba Emirati
Nacionala himno:
Ishy Bilady
LocationUnitedArabEmirates.svg
Urbi:
Chefurbo: Abu Dhabi
· Habitanti: 945 267 (2008)
Precipua urbo: Dubai
Lingui:
Oficala lingui: Araba
Guvernerio:
Tipi: Federuro di Monarkii
· Prezidanto: Khalifa bin Zayed Al Nahyan
· Chefa Ministro: Mohammed bin Rashid Al Maktoum
Surfaco: (116ma granda)
· Totala: 83 600 km²
· Aquo: neglijebla %
Habitanti: (120ma granda)
· Totala: 8 264 070[1] (2010)
· Denseso di habitantaro: 97 hab./km²
Pluse informi:
Valuto: Dirham
Veho-latero: dextre
ISO: AE
ARE
784
Reto-domeno: .ae*
Precipua religio: islamismo


Unionita Araba Emirati esas stato en Mez-Oriento. Lua vicina landi esas Saudi-Arabia en sud-westo, ed Oman en sud-esto. En nordo jacas Persiana gulfo.

Lua chef-urbo esas Abu Dhabi. Altra urbi importanta esas Dubai, Sharjah, Fujeirah, Ras al Khaimah, Ajman.

Bazala fakti pri Unionita Araba Emirati.

Historio[redaktar | redaktar fonto]

 Precipua artiklo: Historio di Unionita Araba Emirati

La regiono di nuna Unionita Araba emirati ja habitesis de la prehistorio. Utensili di petro trovita en Jebel Faya, probas ke populi de Afrika ja habitis ibe 127 mil yari ante nun. En Jebel Barakah trovesis utensilo por buchado di animali plu olda, de 130 mil yari ante nun.

Panoramo dil insulo Sir Bani Yas, ube Nestoriana monakeyo trovesis.

En 1990 trovesis restaji di monakala habiteyo an l'insulo Sir Bani Yas, qui probas l'existo di Kristani - posible Nestoriani - en la regiono cirkume la yaro 600. Semblas ke la kirki abandonesis cirkume la yaro 750.

Islamo expansis tra la regiono posible pos la yaro 630, pos letro sendita dal profeto Muhammad a la lokala suvereni. Dum la 15ma yarcento la regiono subisis l'influo de Otoman imperio.

Portugalani kontrolis parto di la regiono dum 150 yari pos la 16ma yarcento, ma li ekpulsesis dal Islamala princi. De 17ma til 19ma yarcento la regiono konocesis kom Rivo di la Pirati, por uzesir kom shirmilo di pirati. En 1853 la lokala emiri signatis pakto kun Britaniani ed establisis perpetua armistico, origino dil anciena nomo di regiono, "Trucial-Stati". En 1892 altra pakto signatesis kun Unionita Rejio.

La stato formacesis per l'uniono de sep emirati, inter 1971 e 1972. UAE suportis militarala operaci di Usa kontre talibani en 2001.

Politiko[redaktar | redaktar fonto]

L'Unionita Araba Emirati esas federuro di sep absoluta monarkii (emirii). Singla emirio esas autonoma havas lua propra rejo (emiro) qua esas la lokala chefo. Tota la responsi qui ne rezervesas a la nacionala guverno rezervesas a la emirii.

La centrala guvernerio elektesas dal emiri por 5-yara periodo. La nuna chefo di stato e chefo di guvernerio esas Khalifa bin Zayed Al Nahyan. La chefa ministro nur esas la chefo dil ministraro. Nune esas Mohammed bin Rashid Al Maktoum. Lua konstituco adoptesis ye la 2ma di decembro 1971.

La parlamento havas unika chambro, la Nacionala Konsilantaro di la Federuro (Majlis Watani Ittihad), kun 40 membri.

Geografio[redaktar | redaktar fonto]

Topografio dil Unionita Araba Emirati.
Movanta duni proxim Liwa.

L'Unionita Araba Emirati jacas proxim la stretajo di Hormuz, streta e strategiala acesopunto por la navigado - precipue por l'exportacajo di petrolo - inter la Persiana gulfo e la Indiana oceano. La lando havas 530 km di frontieri kun Saudi-Arabia weste, sude e sud-este, e 450 km di frontieri kun Oman sud-este, este e nord-este. Norde, ol havas 19 km di disputata frontieri kun Katar. Lua litoro an la Persiana gulfo havas plu kam 650 km di totala extenso.

L'Unionita Araba Emirati formacesas per 7 emirati. La maxim vasta esas Abu Dhabi, qua reprezentas 87% de la surfaco totala di la lando. La maxim mikra, Ajman, havas nur 259 km².

Granda parto de lua teritorio kovresas per dezerto. Sude e weste de Abu Dhabi, granda movanta duni di areno avancas vers la regiono Rub al-Khali, en Saudi-Arabia. La klimato di la lando esas sika e varma, e ne existas importanta fluvii, nur oazisi, quale l'oaziso Niwa, sude de la lando. La lago Zakher, proxim la frontiero kun Oman, konstruktesis dal homo.

La maxim alta monti di la lando jacas weste, proxim la frontiero kun Katar, ube l'altitudo povas superirar 2 000 metri.

Ekonomio[redaktar | redaktar fonto]

 Precipua artiklo: Ekonomio di Unionita Araba Emirati

Demografio[redaktar | redaktar fonto]

Min kam 20% de la habitantaro naskis en l'emirati, e plu kam 70% naskis en altra landi. La precipua stranjeri esas Indiani, Filipiniani, Pakistanani ed Afgani

Kulturo[redaktar | redaktar fonto]

Unionita Araba Emirati havas diversa e plurkulturala socio. La precipua temi por poezii esas satiro, kavaliereso, auto-laudo, patriotismo, religio, familio ed amo, e povas variar de deskripto til naraco. Kelka importanta poeti en lua literaturo esis Mubarak Al Oqaili, Salem bin Ali al Owais e Ahmed bin Sulayem.

Referi[redaktar | redaktar fonto]