Irez a kontenajo

Uzanto:Luca22/Super Mario World

De Wikipedio
Super Mario World
Simbolo dil Ludo
Kreinto(i) Nintendo EAD
Publikiginto(i) Nintendo
Direktisto(i) Takashi Tezuka
Produktisto(i) Shigeru Miyamoto
Desegnisto(i) * Katsuya Eguchi
Programisto(i) Toshihiko Nakago
Artisto(i) Shigefumi Hino
Kompozisto(i) Koji Kondo
Serio Super Mario
Platformo(i) Super Famicom/Super NES, Game Boy Advance
Liberigo SNES
  • JP: 21 novembro 1990
  • NA: 23 agosto 1991[1][2][3]
  • EU: 11 aprilo 1992[4]
  • AU: 1 julio 1992

Game Boy Advance

  • JP: 14 decembro 2001[5]
  • NA: 11 februaro 2002[6]
  • AU: 2 aprilo 2002
  • EU: 12 aprilo 2002[7]
Genro Platformo
Modo(i) Un-ludanta, Multi-ludanta

Super Mario World, konocata en Japonia kom Super Mario World: Super Mario Bros. 4 esas platformo-ludo kreita da Nintendo EAD e publikigita da Nintendo por la Super Nintendo Entertainment System (SNES) en 1990. La ludanto kontrolas Mario dum lua voyajo por salvar Princess Peach e Dinosaur Land de la serio-antagonisto Bowser e la Koopalings. La ludmaniero similesas a ta di antea ludi Super Mario; ludanti kontrolas Mario tra serio de niveli en qui la skopo esas atingar la skopo-posto ye la fino. Super Mario World introduktas Yoshi, kavalekebla dinosauro qua povas manjar enemiki e sputar uli de li kom projektili.

Nintendo Entertainment Analysis & Development kreis la ludo, guidita da direktisto Takashi Tezuka e produktisto e serio-kreinto Shigeru Miyamoto. Ol esas la unesma ludo Mario por SNES e desegnesis por maxime uzar la teknikala qualesi dil konsolo. La kreanta equipo havis plu multa libereso kompare a la serio-instali por la Nintendo Entertainment System (NES). Yoshi konceptesis dum la kreado di la NES-ludi ma ne uzesis til Super Mario World pro hardwaro-limiti.

Super Mario World ofte konsideresas kom un del maxim bona ludi en la serio e citesas kom un del maxim bona videoludi omnatempe. Ol vendis plu kam duadek milion exempleri tutmonde, facante ol la maxim vendita SNES-ludo. Ol anke rezultigis animacita televiziono-serio kun la sama nomo e sequanto en 1995, Yoshi's Island. La ludo ri-publikigesis plura foyi: Ol esis parto dil kompiluro Super Mario All-Stars + Super Mario World en 1994 por SNES e ri-publikigesis por la Game Boy Advance kom Super Mario World: Super Mario Advance 2 en 2001, en la Virtual Console por la konsoli Wii, Wii U, e New Nintendo 3DS, e kom parto dil Super NES Classic Edition. En 2019, ol publikigesis por Nintendo Switch Online kom parto dil klasika ludi servo.

Ludmaniero

[redaktar | redaktar fonto]

Super Mario World esas 2D laterale-movigar platformo-ludo en qua la ludanto kontrolas Mario o Luigi, la protagonisti dil ludo. La ludo havas simila ludmaniero a antea ludi en la Super Mario serioShablono:SndSuper Mario Bros., Super Mario Bros. 2, e Super Mario Bros. 3Shablono:Sndma introduktas nova elementi. Pluse a kurar e saltar, la ludanto anke povas flugar o flotar per la helpo di Cape Feather e P-Balloon e povas exekutar la nova Spin Jump-movo,[8] qua permisas la ludanto krachar enemiki, sekure saltar ek normale ne-vundebla enemiki o ruptar certena bloki, la lasta nur posibla se la ludanto havas aktiva power-up. La ludo havas totale 96 nivelo-exiri.[9][10]

La ludanto navigas tra la ludo per du ludo-ekrani: supermondo mapo e laterale-movigar kurso (uli de qui automatike movas). La supermondo-mapo montras supra-vido dil nuna mondo e havas plura voyi qui duktas de la mondo-enireyo a kastelo. Voyi konektas ad ago-paneli, fortaji, fantomo-domi, kasteli, ed altra mapo-ikoni, permisante ludanti prenar diferanta voyi por atingar la mondo-skopo. Movar la sur-ekrana karaktero ad ago-panelo o kastelo donas aceso a ta kurso. La majoritato dil ludo eventas en 2D lineara niveli, populizita per obstakli ed enemiki, qui implicas la ludanto transirar la ceneyo per kurar, saltar, e evitar o vinkar enemiki.[11] La ludanto recevas nombro de vivi, qui perdesas se Mario kontaktas enemiko dum esar Mikra Mario, falas ek la ekrano, esas krachita, tushas lavo, o exhaustas tempo.[12] La ludo finas kande la ludanto exhaustas vivi, quankam la ludanto povas durar de la maxim recenta konservopunto (sucese kompletita kastelo, fortajo o fantomizita domo) per selektar "Durar".[13] Singla mondo havas finala ceneyo kun chefo por vinkar; singla de la sep mondi havas fortaji kontrolata da un del Koopalings,[14] e la ludanto anke kombatas Bowser en lua kastelo en la sepesma e finala mondo.[15] Super Mario World inkluzas multi-ludanta opciono qua permisas du ludanti ludar la ludo per alterne turni por navigar la supermondo-mapo ed acesar nivelo-ceneyi; la unesma ludanto kontrolas Mario, dum la duesma ludanto kontrolas lua frato, Luigi.[16][17]

Pluse a la power-upi de antea ludi, quale la Super Mushroom e Fire Flower, Super Mario World havas nova power-up nomizita Cape Feather, qua donas a Mario kapo e la kapableso flugar, glitar en la aero, ed uzar la kapo kom velo.[18] La ludo anke introduktas la kapableso "stokar" extra power-up en buxo ye la supra centro dil ekrano. Exemple, se la ludanto obtenas Fire Flower o Cape Feather, lore Super Mushroom aperos en la buxo. Kolektar stelo donas a Mario provizora ne-vundebleseso de mikra danjeri. Tamen, ol ne protektas la ludanto de falar aden lavo o ek la ekrano, nek se la ludanto exhaustas tempo. Se Mario esas frapita da enemiko, la stokita objekto en la buxo automatike falos. Alternative, la ludanto povas manuale liberigir la stokita objekto irga-tempe.[19]

La ludo introduktas Yoshi, dinosauro-kompano quan Mario povas kavalekar qua kapablas manjar la plumulto de enemiki.[20] Se Yoshi probas manjar Koopa o lua shelo, il povas sputar ol e pafar ol vers enemiki. Se la ludanto ne sucesas sputar la shelo aden certa tempo-quanto, Yoshi glutos ol, facante ol neutila. Kande tenante irga Koopa-shelo en lua boko, Yoshi ganar la kapableso qua korespondas a lua koloro: blua shelo permisar Yoshi flugar, flava shelo igar il emitar polvo-nubi qui vinkas proxima enemiki, e reda shelo permisar il produktar tri fairo-buli qui vinkas enemiki. Briletanta Koopa-sheli produktas omna tri kapablesi, dum verda sheli produktas nula. La normala Yoshi esas verda, ma la ludo anke havas celita blua, flava, e reda Yoshi; la ludanto povas obtenar singla kolorita Yoshi per trovar lua ovo en la Star World-arei e nutrar ol per o kin enemiki, Super Mushroom, Fire Flower, Cape Feather, o Starman igante la bebea Yoshi matureskar.[21][22]

Quankam la precipua skopo esas navigar tra sep mondi por atingar la fino dil ludo, la ludanto povas vinkar la ludo multe plu rapide per uzar sekreta Star Road-voyi. Por acedar celita mondo, la ludanto bezonas trovar klefi dispersita tra la ludi niveli.[23] Kande klefo esas trovita, ol mustas esar portita a klefo-truo por des-klefagar o nova nivelo o Star Road.[24] Explorar ca sekreta ceneyi povas duktar ad altra ceneyi, quale la Special World. Kompletigar la Special Zone permanente chanjas ula del enemiki sprites ed alterigas la supermondo-mapo koloro-skemo.[25][26][27]

Intrigo

[redaktar | redaktar fonto]

La intrigo di Super Mario World esas detalizita en la instruciono-libreto.[28] Post portar paco al Mushroom World en Super Mario Bros. 3, la frati Mario e Luigi decidas irar por vakanco kun Princess Toadstool ad loko nomizita Dinosaur Land, prehistoriala-tematika mondo plena de dinosauri ed altra enemiki. Dum ripozo sur la plajo, la princino esas kaptita da Bowser. Kande Mario e Luigi vekijas, li probas trovar el e, pos hori di serchado, renkontras giganta ovo en la foresto. Ol subite ekklosas e de ol venas yuna dinosauro nomizita Yoshi, qua dicas a li ke lua dinosauro-amiki anke esas enprizonigita en ovi da la infanti di Bowser, la maligna Koopalings.[29] Mario e Luigi balde komprenas ke la forci di Bowser mustas anke kaptar Toadstool. Mario, Luigi, e Yoshi ekiras por salvar la princino e la dinosauro-amiki di Yoshi, transirante tra Dinosaur Land por Bowser e lua Koopalings. Por helpar il, Yoshi donas a Mario kapo kande li komencas lia voyajo.[30]

Bowser recevas novaji pri la proximeskar di Mario e Luigi e sendas lua Koopalings por eliminar li. Pos ke la frati vinkas la infanti e salvas la amiki di Yoshi, li eventuale atingas la Kastelo di Bowser, ube li kombatas il en finala batalio. Li sendas Bowser flugante aden la cielo e salvas Princess Toadstool, restaurante paco a Dinosaur Land.[31]

Developado

[redaktar | redaktar fonto]
De sinistre: direktisto Takashi Tezuka, produktisto Shigeru Miyamoto, e kompozisto Koji Kondo, fotografita en 2015

La ludo direktesis da Takashi Tezuka, dum Shigeru Miyamoto, la kreinto di Super Mario e The Legend of Zelda, servis kom produktisto. Shigefumi Hino prenis la rolo di grafiko-desegnisto. Nintendo Entertainment Analysis & Development traktis developado kun equipo di dek personi, inkluzante tri precipua programisti e karaktero-desegnisto, la plumulto de qui laborabis pri antea Super Mario tituli. En retrospektiva intervjuo, la kerno-equipo dicis ke Miyamoto uzis la maxim multa autoritato dum developado.[32]

Super Mario World esis la unesma Mario serio-ludo developita por la lore venonta Super Nintendo Entertainment System (SNES). Tale, la equipo anticipis ula desfacileso pri laborar kun nova e plu avancinta hardwaro. Segun Tezuka, la softwaro-utensili ankore ne esis plene developita, e la equipo devis "irar alonge kun komencar ulo nova".[33] Miyamoto agnoskis ke la equipo ne plus havis restrikti pri certa mekaniki quale movigar e la nombro di kolori quin li povis implementar. Kom hardwaro-experimento, la equipo portis Super Mario Bros. 3 al SNES. Tamen, ol sentesis kom la sama ludo a li, malgre la plubonigita kolori e sprites. Pos to, Miyamoto komprenis ke la equipo-skopo esus uzar la nova hardwaro por krear ulo "tote nova".[34]

Miyamoto dicis ke il volis ke Mario havez dinosauro-kompano depos Super Mario Bros., ma Nintendo-injeniori ne povis adjuntar tala karaktero aden la ludo pro la limiti dil Nintendo Entertainment System (NES).[35][36] La inspiro por Yoshi povas esar retrotracita mem plu fore; Miyamoto desegnis verda dragono por la ludo Devil World de 1984 qua sharis multa similesi kun Yoshi.[37] Dum la developado di Super Mario Bros. 3, Miyamoto havis plura skizi cirkum lua skribtablo, inkluzante imajo di Mario kavalekanta kavalo.[38] Dum la developado di Super Mario World progresis, la equipo selektis lokizar la ludo en "dinosauro-lando", do Tezuka demandis ke desegnisto Shigefumi Hino desegnez reptilo-simila kreajo bazita sur la skizi di Miyamoto.[39] Hino originale produktis desegno quan Tezuka judikis tro reptilatra, e "ne vere konvenis al la mondo di Mario", do il kurajigis la desegnisto krear karaktero "plu dolca".[40] Tezuka spekulis ke la kavalo-kavalekado-amo di Miyamoto, ed anke kontrea e westerna temi, influis la kreado di Yoshi.[41]

Reflektante pri quale il kreis diferanta melodii por Super Mario Bros. 3, kompozisto Koji Kondo decidis riuzar la sama temi por Super Mario World, quankam en riaranjita formo. Per to, il supozis ke ludanti povus rekognoskar la sama melodii, dum expozar li a nova variacioni di muziko dum li progresis tra la ludo. Pro ke Super Mario World esis la unesma ludo developita por SNES, Kondo sentis su "tre joyoza" pri la kapableso kompozar muziko per uzar ok soni samtempe. Por expresar la teknologiala noveso dil nova konsolo, il uzis plura diferanta instrumenti, implementante li omna un pos altra en la titulo-kansono dil ludo.[42] Dum developado progresis, Kondo divenis koncernata pri quale homi reaktus a lua nekutima kombinuri di instrumenti pro ke il remarkis ke la uzo di plu tradicionala square wavei e triangle wavei "ganis acepto" che konsumanti. Por la sono-efekti dil ludo, Kondo decidis uzar varietato di muzikala instrumenti, kontre square waves, por emfazar ke la ludo uzis tradicionala teknologio kun hibrido di nova materiali.[43] Ol duris cirke un yaro e duimo por Kondo skribar omna muziko por la ludo.[44]

Super Mario World produktesis dum la konsolo-militi rezulto dil rivaleso inter la SNES di Nintendo e la du-yara Mega Drive sistemo di SegaShablono:Sndqua supervendis la konsolo e dukis ad intensa konkurenco inter la du, esante la unesma foyo depos decembro 1985 ke Nintendo ne duktas la merkato quankam ol eventuale superis Sega.[45][46] La maskoto di Sega, Sonic the Hedgehog, videsis da multi kom plu rapida e "plu fresa" alternativo a Mario. Pos la ludo-liberigo, Miyamoto publika agnoskis ke il sentis ke ol esis nekompleta e ke developado hastesis vers la fino.[47]

Liberigo

[redaktar | redaktar fonto]

Super Mario World unesme liberigesis en Japonia ye 21 novembro 1990[48] sub la nomo Super Mario World: Super Mario Bros. 4.[49] Ol esis un de du lanso-ludi por SNES en Japonia, kun F-Zero.[50] La ludo liberigesis en Nord-Amerika ye 23 agosto 1991.[51] Nintendo anke publikigis versiono por arcade cabineti por ke ludanti povez probar la ludo ante komprar ol.[52]

Ri-liberigi

[redaktar | redaktar fonto]
This screenshot shows Luigi riding Yoshi during one of the game's early stages in the Game Boy Advance version. The scenery shows a jungle environment with floating blocks scattered in the air. The interface displayed along the top of the image shows the number of lives, point multiplier, special item, time remaining, number of coins and total score.
Luigi kavalekante Yoshi dum un del frua ceneyi dil ludo en la GBA ri-liberigo Super Mario World: Super Mario Advance 2. Ica versiono dil ludo havas unika sprites por Luigi.

La ludo ri-liberigesis en specala versiono di Super Mario All-Stars, Super Mario All-Stars + Super Mario World, kom pack-in ludo por SNES en decembro 1994.[53] All-Stars kontenas plubonigita rifaci dil unesma quar Super Mario ludi liberigita por NES: Super Mario Bros., Super Mario Bros. 2, Super Mario Bros. 3 e Super Mario Bros.: The Lost Levels.[54] Kontraste a la altra ludi en la kolekto, Super Mario World esas grandaparte identika a la originala versiono, ma la sprites di Luigi aktualigesis por igar il distingiva karaktero vice palette swap di Mario.[55]

Super Mario World portesis al Game Boy Advance kom Super Mario World: Super Mario Advance 2 inter 2001 e 2002.[56] Ol havas la sama nombro di niveli kam la originalo, Luigi kom ludebla karaktero en un-ludanta modo kun lua karakteriziva konduto ed aspekto de Super Mario Bros. 2, Game Link Cable suporto por quar ludanti en la Mario Bros. Classic modo, e la kapableso konservar irgaloke, vice nur pos vinkar Fantomo-domi o Kasteli. La desfacileso diminutesas pro ke frapo da enemiko ne plus igas il perdar omna nuna power-ups. Pluse, la alternativa supermondo-mapo ed enemiko-sprites qui normale des-klefagesis per vinkar la Special World nun vice des-klefagesas per trovar omna exiro en singla nivelo.[57][58] Ol recevis pozitiva recenzi; kritikisti prizis lua nova inkluzuri e reteno dil "sento" dil SNES originalo.[59] GameSpot nomizis ol la maxim bona videoludo di februaro 2002.[60]

La SNES-versiono liberigesis por la Wii Virtual Console en Japonia ye 2 decembro 2006, en Usa ye 5 februaro 2007, ed en Europa ye 9 februaro 2007.[61] Ol liberigesis por la Wii U en Nord-Amerika e Japonia ye 26 aprilo 2013, ed en Europa ye 27 aprilo 2013, kun la plena lanso dil Wii U Virtual Console.[62] Ye 3 marto 2016, la ludo liberigesis por la Virtual Console servo dil New Nintendo 3DS.[63] Super Mario World anke esis un del 21 SNES-ludi inkluzita en la Super NES Classic Edition liberigita en septembro 2017.[64] Ye 5 septembro 2019, Nintendo liberigis Super Mario World sur lia Nintendo Switch Online servo kom lanso-titulo.[65]

Recevo

[redaktar | redaktar fonto]

Nintendo vendis 20.61 milion exempleri dil ludo tutmonde, facante ol la maxim vendita ludo por SNES.[66][67] En Usa, Super Mario Advance 2 por Game Boy Advance vendis 2.5 milion exempleri e ganis $74 milion en reveno til agosto 2006. Dum la periodo inter januaro 2000 ed agosto 2006, ol divenis la duesma maxim vendita portebla ludo en Usa.[68]

Super Mario World recevis kritikala aklamo.[69] La ludo recevis alta evaluadi de multa publikuri: 94% de GameRankings, 5/5 de AllGame, 96% de Computer and Video Games, 9/10 de Electronic Gaming Monthly, 10/10 de Eurogamer, 34/40 de Famitsu, 10/10 de Game Informer, 8.5/10 de GameSpot, 9.3/10 de IGN, 18/20 de Jeuxvideo.com, 98% de Mean Machines, 10/10 de Nintendo Life, 94% de Super Play, e 5/5 de USgamer. En decembro 2019, recenso-agreganto GameRankings rangizis Super Mario World kom la 78ma maxim alte taksita ludo omnatempe, kun agregata puntaro di 94% bazita sur non recensi.[70]

La vizaji e prezentado esis du del maxim laudita aspekti dil ludo.[71][72][73] Pos lua liberigo, Rob Swan di Computer and Video Games remarkis ke la grafiki esis ecelanta exemplo di to quon la lore nova SNES kapablis, dum en la sama recenso, Paul Glancey simile remarkis ke la vizaji esis stunanta, ed il esis dankema ke la ludo venis gratuita kun la konsolo.[74] Quar recencisti ekois to en Electronic Gaming Monthly, ma komentis ke la ludo prenis poka avantajo dil kapablesi di SNES kompare ad altra ludi disponebla por la sistemo.[75] Retrospektiva recencisti konsentis ke la ludo-vizaji ankore esis di alta qualeso. Karn Bianco de Cubed3 prizis la relaxita vizala stilo dil ludo, e laudis Nintendo pro tenar omno "bela e simpla" desegnante ludo perfekta por infanti.[76] Morgan Sleeper di Nintendo Life dicis ke Super Mario World esis la "grafika santa graalo" a qua retro-stilizita ludi aspiras, ed il insistis ke lua desegno ankore bone funcionas hodie.[77]

Kritikisti laudis la ri-ludvaloro dil ludo ed unika ludmaniero kompare ad anciena Super Mario ludi.[78][79][80] Quar recencisti en Electronic Gaming Monthly laudis la nombro di sekreti e diverseso inter lua niveli, expresante apreco ke Nintendo ne recikligis elementi de Super Mario Bros. 3.[81] Swan e Glancey prizis la adiktiva ludmaniero e la vasta nombro di niveli,[82] dum Dan Whitehead di Eurogamer laudis la devio dil ludo de lineara platformado ed asertis ke Super Mario World esis evolutiva salto por ludado generale.[83]

La audio dil ludo anke bone recevesis da kritikisti.[84][85][86] Swan kredis ke la ludo uzis la PCM chip di SNES a lua maxima potencialo, ed ambe il e Glancey konsentis ke la sono-efekti dil ludo esis "menso-sufliganta".[87] Thomas nomizis la muziko "altra klasikajo da Koji Kondo," ma retrospekte remarkis ke ol ne esis tam memorinda kam lua antea laboro.[88] Goyon laudis la originaleso dil ludo-muziko, e pensis ke la teknikala kontributo dil SNES permisis ludanti juar "generale magnifika" kompozuro. Ambe Goyon e Jason Schreier di Kotaku sentis ke lua ritmala sono-efekti esis importanta ed helpis rinforcizar la atmosfero dil ludo.[89][90] Miller prizis la gaya muziko di Super Mario World, e specale prizis la ekanta sono-efekti audita kande Mario esis subteraShablono:Sndsentimento sharita da altra recencisti.[91][92] Ambe Sleeper e Navarro skribis ke la ludo havis la maxim bona muziko en la tota Super Mario serio,[93] kun Sleeper laudante la "sentempa" muziko di Kondo e memorinda melodii.[94]

Premi

[redaktar | redaktar fonto]

La ludo recevis Ludo dil Yaro premi en 1991 de Nintendo Power e Power Play.[95][96] Multi retrospektiva kritikisti deklaris Super Mario World un del maxim bona videoludi omnatempe. En 2009, voto-kolekto da Empire selektis ol kom "la maxim bona ludo omnatempe".[97] En 2009, Official Nintendo Magazine pozis la ludo 7ma en listo dil maxim bona Nintendo-ludi omnatempe.[98] En lua finala edituro en oktobro 2014, Official Nintendo Magazine rangizis Super Mario World kom la triesma maxim bona Nintendo-ludo omnatempe, dop The Legend of Zelda: Ocarina of Time e Super Mario Galaxy.[99]

En 2012, Nintendo Power simile nomizis Super Mario World la kinesma maxim bona ludo omnatempe,[100] plubonigo de lua okesma rango en lia voto-kolekto di 2006.[101] La ludo aparis en plura listi di "maxim bona videoludi omnatempe" quale ti de Electronic Gaming Monthly,[102][103] Game Informer,[104] Retro Gamer[105] e GameSpot.[106]

En 2007, Retro Gamer rangizis ol kom la maxim bona platformo-ludo omnatempe,[107] dum USgamer listizis ol kom la maxim bona Super Mario platformo-ludo ulatempe en 2015.[108] En 1996, GamesMaster rangizis Super Mario World 3ma en lia "The GamesMaster SNES Top 10" listo.[109] En 1995, Total! listizis la ludo 11ma en lia Top 100 SNES-Ludi, lore li opinionis ke Super Mario World esas "konkuranto por la maxim bona ludo ulatempe."[110]

Heredajo

[redaktar | redaktar fonto]

Kom pack-in ludo por SNES, Super Mario World helpis popularigar la konsolo, e divenis la maxim vendita ludo di lua generaciono.[111][112] Shigeru Miyamoto dicis ke Super Mario World esas lua preferata Mario ludo.[113][114]

Yoshi divenis un del maxim importanta karakteri en la Mario franshizo, ri-aparante en plu recenta Super Mario ludi ed en preske omna Mario sporti e spin-off ludi. Yoshi aparis kom la precipua ludebla karaktero en la prequelo di Super Mario World de 1995, Super Mario World 2: Yoshi's Island, quo helpis duktar a multa videoludi fokusita pri la karaktero. Super Mario World klono, Super Mario's Wacky Worlds, esis developata por la Philips CD-i aparato da NovaLogic de 1992 til 1993, ma nuligesis pro la komercala faliuro dil konsolo.[115] En voto-kolekto facita en 2008, Yoshi votesis kom la triesma maxim populara videoludo-karaktero en Japonia, kun Cloud Strife e Mario pozante duesma ed unesma.[116]

DIC Entertainment produktis animacita serio kun la sama nomo, konsistanta de dek-tri episodi, qua difuzesis sur NBC de septembro til decembro 1991.[117][118] Super Mario World havas granda ROM hacking ceno, kun fani uzante aplikuri quale Lunar Magic por krear niveli ed insertar nova grafiki, muziko, e mekaniki; Kaizo Mario World esas notinda pro esar montrita en multa Let's Play videi e popularigar la vorto Kaizo por signifikar haki di extrema desfacileso.[119][120][121]

Simile, Super Mario World esas un del quar ludi di qui la aseti esas disponebla en Super Mario Maker, kreanto di propra niveli liberigita por Wii U en 2015,[122] en lua porto a Nintendo 3DS en 2016, e lua sequanto en 2019.[123] La lasta adjuntas nova nivo e nokto temi por Super Mario World niveli akompanat da nova muziko kompozita da Kondo.

Referi

[redaktar | redaktar fonto]

Citations

[redaktar | redaktar fonto]
  1. ↑ Nintendo's Super NES arrives (August 22, 1991). The Press Democrat, p. 36.
  2. ↑ Super Mario World for SNES (11 April 2009). GameRankings.
  3. ↑ Review: Super Mario World (4 May 2013). Nintendo Life.
  4. ↑ Tom, Phillips. How does the Wii U launch line-up compare to the SNES, N64 and GameCube's? (29 November 2012). Eurogamer.
  5. ↑ Super Mario Advance 2: Super Mario World . Nintendo Life.
  6. ↑ GameSpot: Game Boy Advance News: Super Mario Advance 2 ships (2002-03-27). GameSpot.
  7. ↑ Mario Advance 2 set for April release (2002-02-06). Eurogamer.
  8. ↑ Super Mario World - Review . Allgame. Arkivigita de la originalo ye 14ma di novembro 2014.
  9. ↑ Super Mario World (21 November 1990). Nintendo EAD.
  10. ↑ Super Mario World Instruction Booklet (31 August 1991). Nintendo of America. Arkivigita de la originalo ye 15ma di junio 2018.
  11. ↑ Test de Super Mario World sur SNES (1 July 2011). Jeuxvideo.com.
  12. ↑ Super Mario World Manual (1991). Nintendo, p. 11.
  13. ↑ Super Mario World Manual (1991). Nintendo, p. 7.
  14. ↑ Super Mario World Manual (1991). Nintendo, p. 19.
  15. ↑ Super Mario World Manual (1991). Nintendo, p. 20.
  16. ↑ Super Mario World (21 November 1990). Nintendo EAD.
  17. ↑ Super Mario World Manual (1991). Nintendo, p. 9.
  18. ↑ Super Mario World Manual (1991). Nintendo.
  19. ↑ Super Mario World Manual (1991). Nintendo, p. 7.
  20. ↑ The Video Game Theory Reader (2006), p. 119.
  21. ↑ Super Mario World (21 November 1990). Nintendo EAD.
  22. ↑ Super Mario World Manual (1991). Nintendo, p. 18.
  23. ↑ How to Find All 96 Exit Doors in Super Mario World . USgamer.
  24. ↑ Super Mario World Manual (1991). Nintendo, p. 21.
  25. ↑ Super Mario World (21 November 1990). Nintendo EAD.
  26. ↑ Super Mario World Manual (1991). Nintendo.
  27. ↑ Classic Game Room (2014), p. 101.
  28. ↑ Super Mario World Manual (1991). Nintendo, p. 2.
  29. ↑ Super Mario World Manual (1991). Nintendo, p. 20.
  30. ↑ Super Mario World Manual (1991). Nintendo, p. 2.
  31. ↑ Super Mario World (21 November 1990). Nintendo EAD.
  32. ↑ Super Mario World Developer Interview (1991), p. 28.
  33. ↑ Super Mario World Developer Interview (1991), p. 29.
  34. ↑ Super Mario World Developer Interview (1991).
  35. ↑ Developer Interview: Super Mario World & Yoshi's Island . Nintendo. Arkivigita de la originalo ye 03ma di oktobro 2017.
  36. ↑ Super Mario World Developer Interview (1991), p. 31.
  37. ↑ The Video Game Theory Reader (2006), p. 118.
  38. ↑ Super Mario World Developer Interview (1991). Nintendo Power staff, p. 32.
  39. ↑ Hope, Corrigan. Super Mario World: Mario Was Originally Punching Yoshi in The Head (28 September 2017). IGN. Arkivigita de la originalo ye 30ma di septembro 2017.
  40. ↑ Hope, Corrigan. Super Mario World: Mario Was Originally Punching Yoshi in The Head (28 September 2017). IGN.
  41. ↑ The Making of Super Mario World (2012), p. 52.
  42. ↑ Iwata Asks: Music Commentary by Koji Kondo (2) . Nintendo, p. 5.
  43. ↑ Iwata Asks: Music Commentary by Koji Kondo (2) . Nintendo, p. 5.
  44. ↑ Super Mario World Developer Interview (1991), p. 36.
  45. ↑ Developer Interview: Super Mario World & Yoshi's Island . Nintendo. Arkivigita de la originalo ye 03ma di oktobro 2017.
  46. ↑ The Ultimate History of Video Games (2001), p. 431.
  47. ↑ Developer Interview: Super Mario World & Yoshi's Island . Nintendo. Arkivigita de la originalo ye 03ma di oktobro 2017.
  48. ↑ スーパーマリオワールド [スーパーファミコン] (23 November 1990). Famitsu, p. 10.
  49. ↑ Super Mario World: Super Mario Bros. 4 — 取扱説明書 (Instruction Manual) (1990). Nintendo.
  50. ↑ Game Over (1993), p. 361.
  51. ↑ Super NES Games . Nintendo. Arkivigita de la originalo ye 20ma di septembro 2008.
  52. ↑ Super Mario World – Videogame by Nintendo (1995-2017). The International Arcade Museum.
  53. ↑ Brown, Andrew. Super Mario All-Stars + World (18 August 2011). Nintendo World Report. Arkivigita de la originalo ye 06ma di februaro 2017.
  54. ↑ Brown, Andrew. Super Mario All-Stars + World (18 August 2011). Nintendo World Report.
  55. ↑ Andrew, Brown. Super Mario All-Stars + World (18 August 2011). Nintendo World Report.
  56. ↑ Joining Nintendo After Super Mario (13 September 2010). Nintendo.
  57. ↑ Craig, Harris. Super Mario World: Super Mario Advance 2 (11 February 2002). IGN.
  58. ↑ Jeff, Gerstmann. Super Mario Advance 2 Review (12 February 2002). GameSpot.
  59. ↑ Famitsu Game Reviews (2006). Famitsu staff, p. 116.
  60. ↑ Video Game of the Month, February 2002 (1 March 2002). GameSpot.
  61. ↑ Virtual Console (March 2007). Nintendo Power, p. 40.
  62. ↑ Alexa Ray, Corriea. Wii U Virtual Console launch lineup includes Kirby's Adventure, Super Mario World (23 April 2013). Polygon.
  63. ↑ Super Mario World And Other SNES Games Coming To New 3DS (2016-03-03). Kotaku Australia.
  64. ↑ Ryan, Brown. Nintendo Classic Mini SNES games list including Super Mario, Zelda and Donkey Kong (29 June 2017). The Daily Mirror.
  65. ↑ Super Nintendo Entertainment System – Nintendo Switch Online (21 November 2020). Nintendo of Europe GmbH.
  66. ↑ James, O'Malley. 30 Best-Selling Super Mario Games of All Time (11 September 2015). Gizmodo.
  67. ↑ The Nintendo Years: 1990 (25 June 2007). Edge, p. 2.
  68. ↑ Joe, Keiser. The Century's Top 50 Handheld Games (2 August 2006). Next Generation.
  69. ↑ See How Super Mario Bros. Changed Over 30 Years (2015-09-12). Time.
  70. ↑ Super Mario World for SNES (11 April 2009). GameRankings.
  71. ↑ Super Mario World Review (1991), p. 50.
  72. ↑ Alex, Navarro. Super Mario World review (6 February 2007). GameSpot.
  73. ↑ Morgan, Sleeper. Review: Super Mario World (4 May 2013). Nintendo Life.
  74. ↑ Super Mario World Review (1991), p. 50.
  75. ↑ Super Mario World Review (1991), p. 18.
  76. ↑ Karn, Bianco. Super Mario World Review (15 October 2003). Cubed3.
  77. ↑ Morgan, Sleeper. Review: Super Mario World (4 May 2013). Nintendo Life.
  78. ↑ Dan, Whitehead. Virtual Console roundup (9 June 2007). Eurogamer.
  79. ↑ Lucas, Thomas. Super Mario World Virtual Console review (5 February 2007). IGN.
  80. ↑ Morgan, Sleeper. Review: Super Mario World (4 May 2013). Nintendo Life.
  81. ↑ Super Mario World Review (1991), p. 18.
  82. ↑ Super Mario World Review (1991).
  83. ↑ Dan, Whitehead. Virtual Console roundup (9 June 2007). Eurogamer.
  84. ↑ Lucas, Thomas. Super Mario World Virtual Console review (5 February 2007). IGN.
  85. ↑ Morgan, Sleeper. Review: Super Mario World (4 May 2013). Nintendo Life.
  86. ↑ Jason, Schreier. Super Mario World: The Kotaku Review (5 September 2013). Kotaku.
  87. ↑ Super Mario World Review (1991).
  88. ↑ Lucas, Thomas. Super Mario World Virtual Console review (5 February 2007). IGN.
  89. ↑ Frédéric, Goyon. Test Super Mario World sur SNES (30 April 2007). Jeuxvideo.com.
  90. ↑ Jason, Schreier. Super Mario World: The Kotaku Review (5 September 2013). Kotaku.
  91. ↑ Skyler, Miller. Super Mario World review . Allgame.
  92. ↑ Morgan, Sleeper. Review: Super Mario World (4 May 2013). Nintendo Life.
  93. ↑ Alex, Navarro. Super Mario World review (6 February 2007). GameSpot.
  94. ↑ Morgan, Sleeper. Review: Super Mario World (4 May 2013). Nintendo Life.
  95. ↑ Nintendo Power Awards (1992). Nintendo Power staff, p. 72.
  96. ↑ Power Play Awards (1992). Power Play staff, p. 84.
  97. ↑ The 100 Greatest Games Of All Time (30 May 2009). Empire.
  98. ↑ East, Tom. 100 Best Nintendo Games – Part Six . Official Nintendo Magazine.
  99. ↑ Official Nintendo Magazine Final Issue (2014), p. 69.
  100. ↑ New Super Mario Bros. U (December 2012). Nintendo Power, p. 27.
  101. ↑ Nintendo Power Top 200 (2006). Nintendo Power staff, p. 62.
  102. ↑ 100 Best Games of All Time (November 1997). Electronic Gaming Monthly, p. 152.
  103. ↑ EGM Top Games (2006), p. 98.
  104. ↑ Game Informer's Top 100 (2001). Game Informer staff, p. 59.
  105. ↑ Retro Gamer Top Games (2004). Retro Gamer staff, p. 62.
  106. ↑ Alex, Navarro. The Greatest Games Of All Time . GameSpot.
  107. ↑ Best Platform Games (2007), p. 63.
  108. ↑ Jeremy, Parish. What's the Greatest Mario Game Ever? (9 September 2015). USgamer.
  109. ↑ The GamesMaster SNES Top 10 (July 1996). GamesMaster, p. 75.
  110. ↑ Top 100 SNES Games (July 1995). Total!, p. 41.
  111. ↑ Lucas, Thomas. Super Mario World Virtual Console review (5 February 2007). IGN.
  112. ↑ Andy, Kelly. 101 game facts that will rock your world (14 November 2008). GamesRadar.
  113. ↑ Richard, Mitchell. Super Mario World is Miyamoto's favorite Mario game (15 July 2016). Engadget.
  114. ↑ Samuel, Claiborn. This is Shigeru Miyamoto's Favorite Mario Game (15 June 2012). IGN.
  115. ↑ Super Mario's Wacky Worlds . IGN.
  116. ↑ Ashcraft, Brian. And Japan's Favorite Video Game Characters Are ...? (12 August 2008). Kotaku.
  117. ↑ Langshaw, Mark. Retro Corner: Super Mario World (23 April 2011). Digital Spy.
  118. ↑ Kelvin, Fernando. 15 Awesome Things You Didn't Know About Super Mario World (10 April 2017). The Gamer.
  119. ↑ Justin, Davis. Inside the World of Brutally Hard Mario ROM Hacks (14 July 2015). IGN.
  120. ↑ Gregg, Parker. 11 Super Mario World ROM Hacks For Beginners (7 October 2021). Game Rant.
  121. ↑ Evan, Gowan. Super Mario World Turns 20 . 1UP.com.
  122. ↑ Jose, Otero. E3 2015: 9 Exciting Things You Need to Know About Super Mario Maker (16 June 2015). IGN.
  123. ↑ Knezevic, Keven. Super Mario Maker 2 Gets Release Date (25 April 2019). GameSpot.

Bibliografio

[redaktar | redaktar fonto]
Obtenita de "https://io.wikipedia.org/w/index.php?title=Uzanto:Luca22/Super_Mario_World&oldid=1063567"