Volinia

De Wikipedio
Volinia (flave) sur mapo di hodiala Ukraina.

Volinia es historiala regiono in Mez-central Europa, inter sud-estala Polonia, sud-westala Bielorusia e westal Ukraina, ma frontieri di lo ne definesis klare.

Hodial equivalo di Volinia es provinco Volin, e lua precipua urbi es: Volodimir, Jitomir, Rivne, Luck, Zviahel, Kovel, Dubno, Kremenec, Ostroh, Ovruch, Iziaslav e Starokostiantiniv.

Etimologio[redaktar | redaktar fonto]

Nomo dil regiono ofte identifikesas a Lodomeria – erare nam lo esis nur westala parto di Volinia. Vorto Lodomeria referis a chef-urbo di westala Volinia – Volodimir.

Ipsa termo Volinia devenis de mi-legendala urbo Volin, qua hodie ne existas, e lua ex-loko es temo di disputi inter historiisti.

Historio[redaktar | redaktar fonto]

De 17ma yarcento la regiono regnesis da kunfederuro Polonia-Lituania, e pose – rezulte di Partigi di Polonia-Lituania – da Rusa imperio. Pos milito Polona-Sovietiana (1919-1921) Volinia dividesis inter Polonia e Soviet-Uniono.

Volinia esis eyo di un ek masakri (1943-1944) di habitantaro precipue Polona (precipue mulieri e pueri) da nacionalisti Ukrainana de UPA (parto di OUN-B komandita da Stepan Bandera) – 50 000 – 60 000 viktimi. La gentocido eventis sen "helpo" di lora okupanti – Germaniana naziisti (kun qua Ukrainana nacionalisti kunlaboris), ma kun fortega partopreno di Ukrainana habitantaro.

De la fino di duesma mondomilito Volinia divenis provinco Volin en RSS Ukraina (parto di Soviet-Uniono), e pose en Ukraina.