Vortolibro monolinguala por lernanti
Vortolibro monolinguala por lernanti esas tipo di dicionario kreita por satisfacar la referi bezonata da uli qui deziras lernar ula stranjera linguo. La premiso qua stimulas la kreado di ca tipo di dicionario esas que ula lernanto devos gradope progresar de ula bilingua dicionarii vers la monolingua samagrade kam lu divenos plu kompetenta en la linguo studiata. Tamen, la dicionarii ordinare kreita por la nativa parolanti di la linguo esas neapta por satisfacar la bezoni di la stranjera studenti di ca linguo.
La monolinguala dicionarii kreita por stranjera lernanti inkluzas granda quanto di informi pri la gramatiko, pri l'uzo di la vorti en frazi, pri la maxim komuna erori, lokizo, e pri "pragmatiko" en la linguistiko (to esas, la uzo di la vorto en la komuna komuniko), temi qui freque mankas en la ordinara dicionarii, pro ta aspekti di ula linguo intuicale konocesas da lua nativa parolanti.
La senci di la vorti freque skribesas en desfacila stilo en l'ordinara dicionarii. Altralatere, en la dicionarii monolinguala por lernanti la stilo di l'expliki esas simpla e klara.