Willem Barents

De Wikipedio
Irez ad: pilotado, serchez
Willem Barents
Barents.jpg
Profesiono: navigisto, explorero e deskovrero
Lando: Flag of the Netherlands.svg Nederlando
Naskodato: 1550
Nasko-loko: Terschelling, Westa Frizia Insuli, Nederlando
Mortodato: 20 di junio 1597
Morto-loko: Novaya Zemlya, Rusia

Willem Barents (n. c. 1550 til la 20ma di junio 1597) esis Nederlandana navigisto ed explorero. Ilu voyajis til Siberia kun intenco diskovrar la nord-esta aceso inter Atlantiko e Pacifiko, ma ne havis suceso. Ilu mortis dum lua triesma voyajo.

En la unesma voyajo di 1594 il atingis Novaya Zemlya (Nova-Lando), retrovenante pro glacio-monteti. La voyajo di la sequanta yaro impedesis pro la glaciigita Kara-maro.

En komenco di triesma expediciono vers la nord-esto ye la 18ma di mayo 1596 Willem Barents departis de Vlieland, proxim Amsterdam, por trovar voyo norde de Siberia a la oriento. La du navi di Barents atingis la nekonocata insulo di Spitsbergen ye la 17ma di junio. Ye la 1ma di julio, la du navi sequis separata voyi, e la navo qua portis Barents, atinginte Novaya Zemlya ye la 17ma di julio, pose divenis kaptita en glacio, ed ibe la navo-trupo eventoze pasis la vintro. La navo ankore fixigite en la glacio ye la sequanta junio, la posvivanti, sufranta pro skorbuto, eskapis en du bateli. Barents mortis pos sep dii en batelo. Pos sep semani, la 12 posvivanti salvesis a la peninsulo di Kola da Rusa komerco-navo.