Yevgeni Viktorovich Prigojin
| Yevgeni Viktorovich Prigojin | ||
.jpg) | ||
| Profesiono: | entraprezisto | |
| Lando: |  Soviet-Uniono Rusia | |
| Naskodato: | 1 di junio 1961 | |
| Nasko-loko: | Leningrad, Soviet-Uniono | |
| Mortodato: | 23 di agosto 2023 | |
| Morto-loko: | Kujenkino, Rusia | |
Yevgeni Viktorovich Prigojin (n. 1ma di junio 1961 – m. 23ma di agosto 2023) esis Rusian entraprezisto.
En 1996 Prigojin apertis en Sankt-Peterburg punti gastronomiala. En ilu exkluziva restorerio "Nov Insulo" sur navo en fluvio Neva manjis prezidanti Vladimir Putin, Jacques Chirac, chefministro Yoshiro Mori e George W. Bush. Pos du yari Putin komisis ilu pri organizar festino pri sua naskodio.
Malgre opiniono Fonduro di Alexei Navalni pri proxima relati, Putin ipse pri Prigojin dicis:
 |
"Me konocas ta homo, ma il ne es mea amiko." |  |
Prigojin investis en kriptovaluti havinte 100 000 bitcoini. Ilua kompanii minadis oro en Sudan, ed ank havis mineyo en Siria.
Il esis kunfondinto di Grupo Wagner – kompanio di mercenarii. La firmo agis legale pro ne preciza punto en internaciona legaro segun qua on ne savis ka laboranto teknikalka che armeal aparati esas ja mercenario o ne, ed ol ofertis servii en multa loki en la mondo, ube situaciono politikala ne esis stabila, precipue en Afrika e Proxim Oriento, i.a. la grupo defensis Sirian oleodukti kontre Islamala Stato.
Il duktis rebelajo dil grupo kontre Rusian armeo, pos quo Vladimir Putin nomis ilu trahizanto.
Il mortis en avionala katastrofo en kolonieto urbaltipa Kujenkino. L'aviono aviacis de Moskva a Sankt-Peterburg. Ultre Prigojin mortis 9 altra grava membri di Grupo Wagner, inter altre Dmitri Utkin (eponimala "Wagner").