Anabaptismo

De Wikipedio
(Ridirektita de Anabaptisto)

Anabaptismo esas protestanta Kristana tradiciono de la radikala Reformacio, qua remarkinde nur praktikas bapto por adulti e rejektas infantobapto. Tamen anke esas altra distinta kredaji dil anabaptismo, exemple separado del mundo, direta influo dal Santa Spirito ed refuzo di juri. Anabaptisti negas l'efiko dil bapto kande olca eventas ante la racion-evo. Li tre ofte persekutesis por sua kredaji, quale la kredaji pri bapto e pacifismo, ma anke pro timo por violenteso, pro ke ula frua anabaptista grupi esis violentema.

La nomo "anabaptismo" signifikas "doktrino di ti, qui baptas itere" ed erste uzesis dal opozanti. L'unesma anabaptisti, ja baptita kom infanti, ya baptis kom adulti, quon l'opozanti konsideris kom duesma bapto.

Hodie tre multa anabaptisti es pacifisti. La pacifista movado en anabaptismo ja komencis en la 16ma yarcento, kande kelka anabaptisti quale Menno Simons kondamnis la violenta anabaptista revoluciono en Münster. Anabaptisti ofte persekutesis pro sua pacifismo, nam on normale konsideris pacifismo kom neglijo di devo civitala. Altra persekutanti, quale la Rusiana komunisti, preferis viktimigar anabaptisti pro lia senviolenteso.