Betravo
Betravo esas speco di beto kun radiko ovatra quale rapo, di koloro blankatra o redatra, qua kultivesas kom nutrivo por homi e por bestii. Betravi esas planti multe rezistanta a kolda klimati e havas granda koncentro di sakarozo. Dum l'unesma yaro di kultivo, ol formacas granda radiko kontenanta de 15% til 20% di sakarozo. Pro to li kultivesas por extraktar sukro komercale. En 2009, cirkume 20% ek tota produktado di sukro en la mondo extraktesis de betravo.[1]
Referi
[redaktar | redaktar fonto]
- ↑ Agribusiness Handbook: Sugar Beet White Sugar - Publikigita da FAO. Dato di publikigo: 2009. URL vidita ye 19ma di januaro 2021. Idiomo: Angla.