Homeosexualeso
Homeosexualeso esas amal atrakteso inter personi di la sama sexuo o genro. Kome sexual orientizeso, olu deskriptas duranta inklineso por experiencar sexual, afecional od amal atrakti precipue o nur a membri di onua propra sexuo. La vorto anke deskriptas la personal e social identesi de homeosexuala personi relate ica atrakteso.
En multa lingui, onu konsideras vorti quale "homeosexuala" e "homeosexualo" kome pejorativa o tro klinikala. Onu preferas vorti quale "geyala" e "geyo" por viri, e "lesbiano" por mulieri. Ica vorti ankore ne esas oficial en Ido, tamen ili ja uzesas delonge.
Politikale ed ofte sociale, homeosexuala personi formizas kun bisexual e transgenrala personi la solidareso "LGBT" (Lesbiani, Geyi, Bisexuali e Transgenrali) o "HBT" (Homeosexuali, Bisexuali e Transgenrali). Kelkafoye onu dicas anke "Q" por la angliana vorto Queer (stranja) ed anke por Questionanti (personi qui questionas su pri sua sexualeso).
