Nanjing

De Wikipedio
(Ridirektita de Nanking)
Nanjing
Kelk imaji pri Nanjing.
Lando: PR Chinia
Informo:
Latitudo: 32°03'N
Longitudo: 118°46'E
Altitudo: 20 m
Surfaco: 6587 km²
Habitanti: 8 335 000 (2017)
Denseso di habitantaro: 1237 hab./km²
Horala zono: UTC+8
Urbestro: Lan Shaomin

Nanjing
Oficala retosituo:
www.nanjing.gov.cn

Nanjing (pinyine Nánjīng) esas chefurbo di provinco Jiangsu en Popul-Republiko Chinia. Segun statistiki dil yaro 2017, ol havis 8 335 000 habitanti. Lua tota surfaco esas 6587 km². Jacanta an la valo dil fluvio Yangce, ol esis chef-urbo por multa Chiniana dinastii, rejii e republikala rejimi, de la 3ma yarcento til 1949.

Geografio[redaktar | redaktar fonto]

Monto Zijin Shan.

Jacanta an la delto dil fluvio Yangce, la reliefo di Nanjing esas plana, nome an lua urbala zono. Kovranta entote 6600 km², existas kelka kolini e monti en lua teritorio Lua mezavalora altitudo esas 20 metri e lua maxim alta punto esas Zijin Shan ("purpurea monto"), havanta altitudo di 448,2 metri super la marala nivelo.

La klimato dil urbo esas subtropikala humida, kun influo de musono (Cfa segun la klimatala klasifikuro da Köppen). La mezavalora temperaturo en januaro (vintro) esas 2,7°C, kontre ke la mezavalora temperaturo en julio (somero) esas 28,1°C.

La pluvoza sezono iras de marto til septembro. La mezavalora yarala pluvo-quanto esas 1090,7 mm, e la maxim pluvoza monato esas julio, kun mezavalore 216,3 mm.