Videz la fonto/fonti por Olimpiala Ludi en Paris, 2024

[[Arkivo:2024 Summer Olympics text logo.png|thumb|320px|Logotipo* dil Olimpiala Ludi en Paris, 2024.]]
L''''Olimpiala Ludi en Paris, 2024''', od oficale la '''33ma Olimpiala Ludi''', esas internaciona [[sporto|plursporta]] konkurso qua eventis de la [[26ma di julio]] til la [[11ma di agosto]] [[2024]] en [[Paris]], [[Francia]], kun kelk eventi komencinta ye la 24ma di julio. Lor la [[Olimpiala Ludi|Somerala Olimpiala Ludi]] eventis triesmafoye en Paris, dum la cent-yara aniversario dil [[Olimpiala Ludi]] di [[1924]].<ref>{{extera ligilo|titulo=Bach Says Paris and LA Mayors Are 'Optimistic' About Agreement After Initial Discussions - GamesBids.com|url=https://gamesbids.com/eng/featured/bach-says-paris-and-la-mayors-are-optimistic-about-agreement-after-initial-discussions/|editero=gamesbids.com}}</ref> La konkursi eventis en Paris ed en altra 16 urbi en kontinentala Francia, ed ank en Teahupoʻo, urbeto en [[Tahiti]], insulo qua apartenas a [[Franca Polinezia]]. Ultre Paris, [[futbalo]]-partii ank eventis en [[Nantes]], [[Lyon]], [[Saint-Étienne]], [[Bordeaux]], [[Nice]] e [[Marseille]]. Entote esis 329 eventi de 32 sporti, kun la partopreno di {{formatnum:10714}} atleti de 206 Olimpiala komitati.

La Ludi kustis cirkume 9 miliard [[Euro|Euri]]<ref name=UOL>{{extera ligilo|titulo=Paris-2024 cria Olimpíadas da 'nova era': econômica, engajada e política|url=https://www.uol.com.br/esporte/olimpiadas/ultimas-noticias/2024/08/12/paris-2024-cria-olimpiadas-da-nova-era-economica-engajada-e-cultural.htm|editero=UOL|idiomo={{pt}}|publikigita ye=12ma di agosto 2024}}</ref>. Cirkume 95% del eventeyi esis konstrukturi ja existanta<ref name=UOL/>, o tempala konstrukturi. Poka nova konstrukturi bezonesis: nova centro por aquala sporti konstruktita proxim [[stadio]] ''Stade de France'', e nova ludeyo por [[basketbalo]] e lukto por 7500 spektanti en Porte de la Chapelle. Ultre to, konstruktesis Olimpiala vilaji por gastigar l'atleti en L'Île-Saint-Denis, Saint-Denis e Saint-Ouen-sur-Seine.

[[Usa]] e [[Popul-Republiko Chinia]] obtenis la sama quanto di ora medalii: 40. Tamen, Usa recevis plusa arjenta e bronza medalii kam Chinia. [[Japonia]] rangizesis en la 3ma plaso, obteninta 20 ora medalii, [[Australia]] obtenis 18 ora medalii, e [[Francia]] la hosto, obtenis 16 ora medalii. Unesmafoye en la historio [[Dominika]], [[Santa Lucia]], [[Kabo Verda]] ed [[Albania]] ganis Olimpiala medalii - Dominika e Santa Lucia ganis ora. Ank unesmafoye en lia Olimpiala historio, [[Guatemala]] e [[Botswana]] ganis ora medalii. L'esquado di refujinti anke ganis lua unesma medalio en la historio - bronza, pri [[boxo]].

La Ludi esis la debuto di [[brek-danso]] kom Olimpial evento. Konkursi pri [[surfo]] eventis duesmafoye en la historio di la ludi, unesmafoye en [[Olimpiala Ludi en Tokyo, 2020|Tokyo, 2021]].

== Selekto dil urbo ==
[[Arkivo:Anneaux Olympiques Place Hôtel Ville Esplanade Libération - Paris IV (FR75) - 2021-08-23 - 1.jpg|thumb|320px|Olimpiala ringi avan ''Hôtel de Ville'' en Paris.]]
{|class=wikitable align=left
|-style="background:#efefef;"
! colspan="3" | Kandidata urbi por Olimpiala Ludi di 2024
|-style="background:#efefef;"
| '''Urbo'''
| '''Lando'''
|'''1ma votado'''
|-
| [[Paris]]
| {{FRA}}
| '''Selektita por gastigar la Ludi en 2024'''
|-
| [[Los Angeles]]
| {{USA}}
| '''Selektita por gastigar la Ludi en 2028'''
|-
| [[Hamburg]]
| {{DEU}}
| rowspan=3| '''abandonis postulo'''
|-
| [[Roma]]
| {{ITA}}
|-
| [[Budapest]]
| {{HUN}}
|}
Komence, [[Paris]], [[Hamburg]], [[Budapest]], [[Roma]] e [[Los Angeles]] esis kandidati por gastigar la Ludi di 2024. La selekto-proceso lenteskis pro politikala necertesi e senkurajigiva kusti. [[Hamburg]] abandonis sua postulo ye la 29ma di novembro 2015, pos plebicito. [[Roma]] abandonis sua postulo ye la 21ma di septembro 2016 e mencionis fiskala problemi. Ye la 22ma di februaro, [[Budapest]] anke abandonis sua postulo, pos ke peticiono kontre la postulo recevis plusa signaturi kam la bezonita por ula plebicito.

Ye la 9ma di junio 2017, l'[[Internaciona Olimpiala Komitato]] kunsidis en [[Lausanne]], [[Suisia]], e decidis diskutar en la renkontro quin gastigus la Ludi di 2024 e 2028, e se esus posibla selektar l'urbi por la du en la sama renkontro. Pos decidar favorebla pri la posibleso di selektar la du sideyi, ye la 13ma di septembro 2017, decidesis unanime ke Paris esus eventeyo, ed anke ke [[Olimpiala Ludi en Los Angeles, 2028|Los Angeles]] esos eventeyo por l'[[Olimpiala Ludi]] di [[2028]].

== Arivo dil Olimpiala torcho, unesma konkursi, e saboto di transporto-sistemo ==
[[Arkivo:Carcassonne,_Relais_de_la_flamme_olympique_Paris_2024_(112).jpg|thumb|320px|Du personi transportanta l'Olimpiala torcho en [[Carcassone]].]]
[[Arkivo:Paris Gare du Nord crowds.jpg|thumb|320px|left|Hordo che ferovoyala staciono ''Gare du Nord'' pos saboto-atako kontre ferovoyala sistemo.]]
Quale eventabas omnafoye depos 1928, l'Olimpiala torcho acendesis en Olympia, [[Grekia]]. Ol eniris Franca teritorio ye la 8ma di mayo 2024 en [[Marseille]]. Pose ol transportesis tra diversa urbi en kontinentala Francia, ed anke tra altra urbi che transmara departmenti Franca<ref>{{extera ligilo|url=https://ge.globo.com/olimpiadas/noticia/2024/07/24/tocha-olimpica-2024-do-que-e-feita-trajeto-e-design-veja-fotos.ghtml |titulo=Tocha Olímpica 2024: do que é feita, trajeto e design; veja fotos|editero=GE|idiomo={{pt}}|publikigita ye=24ma di julio 2024}}</ref> dum 67 dii, til l'aperto-ceremonio. Ol arivis en Paris ye la 26ma di julio.

La konkursi di 4 sporti komencis ante l'aperto-ceremonio: [[futbalo]] por viri e por mulieri, [[handbalo]] por viri e por mulieri, [[rugbio por 7 ludisti|rugbio* por 7 ludisti]] ed [[arkpafado]]. Konkursi pri futbalo e handbalo komencis ante, nam on bezonas adminime 66 hori inter du partii por ke ludisti povas repozar<ref name=ESPN>{{extera ligilo|url=https://www.espn.com.br/olimpiadas/artigo/_/id/13940067/por-que-olimpiadas-tem-esportes-comecando-antes-da-cerimonia-de-abertura|titulo=Por que Olimpíadas têm esportes começando antes da cerimônia de abertura?|editero=ESPN|idiomo={{pt}}|publikigita ye=23ma di julio 2024}}</ref>. Pri futbalo por viri esas 16 nacionala squadi konkursanta, kontre ke pri futbalo por mulieri esas 12 nacionala esquadi konkursanta.<ref name=ESPN/> L'unesma futbalo-partio di la Ludi komencis ye la 24ma di julio, inter [[Arjentinia]] e [[Maroko]]. Marokani vinkis per 2 goli kontre 1, pos polemiki: invado dil agro da Marokana suporteri pos la duesma golo Arjentiniana, interupto di la partio, nuligo di la duesma golo Arjentiniana, e durigo di la partio pos du hori<ref>{{extera ligilo|url=https://www.cnnbrasil.com.br/esportes/olimpiadas/paris-2024-argentina-perde-para-o-marrocos-em-jogo-marcado-por-confusao-bizarra/|titulo=Paris 2024: Argentina perde para o Marrocos em jogo marcado por confusão e desorganização |editero=CNN|idiomo={{pt}}|publikigita ye=24ma di julio 2024}}</ref>.

Dum la matino dil 26ma di julio, dil dil inauguro-ceremonio, eventis serio di saboto-ataki incendiala kontre ferovoyala sistemo Franca, qua ne rezultis morti, ma afektis plu kam 800 mil uzeri di treno-sistemo, inkluzite [[treno di granda rapideso|TGV-sistemo]]<ref>{{extera ligilo |url=https://www.washingtonpost.com/world/2024/07/26/france-rail-disruptions-scnf-olympics/|titulo=Arson attacks target France’s high speed trains hours before Olympics|editero=The Washington Post|idiomo={{en}}|publikigita ye=24ma di julio 2024}}</ref>. Antee, ye la 8ma di mayo, dio kande la torcho arivis en Marseille, lokala policistaro deskovris 4 incendial aparati che ferovoyala lineo inter [[Aix-en-Provence]] e Marseille.

== Aperto-ceremonio ==
[[Arkivo:U_S_Olympic_Team_participates_in_2024_Opening_Ceremonies_in_Paris_(8554767).jpg|thumb|320px|Rezidanti che ''Île de la Cité'' observas la parado di bateli sur Seine.]]
[[Arkivo:Vasque_Olympique_Jardin_Tuileries_-_Paris_I_(FR75)_-_2024-07-27_-_19.jpg|thumb|left|320px|Balono kun l'Olimpiala kaldrono.]]
L'aperto-ceremonio komencis ye 19:30 kloki, GMT+2 (somero-tempo en Francia), la 26ma di julio 2024. Lor duesmafoye en la historio l'aperto-ceremonio eventis exter stadio - unesmafoye esis en 2018, dum l'Olimpiala Ludi di la Yunaro en [[Buenos Aires]]. L'oficala protokolo eventis en tempala "stadieto" konstruktita sur placo Trocadéro. On kalkulis ke cirkume 320 mil personi an la rivi di Seine asistis la parado di 80 bateli qui transportis l'atleti. Granda parto di la ceremonio eventis sub pluvo.

Multa elementi di la ceremonio enrejistresis ante, por prizentado sur [[televiziono]] o [[komputatoro]], exemple video* qua montris humuristo [[Jamel Debbouze]] eniranta [[stadio]] ''Stade de France'' komplete vakua, nam la ceremonio eventus exter la stadio. Ibe, ilu renkontris ex-futbalisto [[Zinedine Zidane]], qua duktis l'Olimpiala torcho sequita da tri pueri, qui reprezentis yari 1900, 1924 e 2024, la trifoye kande Paris gastigis la Ludi. Altr aspekto di la ceremonio enrejistrita hori ante esis kande [[Lady Gaga]] kantis ''Mon truc en plumes''. Pos ke el kantis, el dicis: ''Bonsoir, bienvenue à Paris''.

La paradi di nacional atleti eventis sur bateli e bateleti naviginta sur [[Seine]], inter ponti ''Pont d'Austerlitz'' e ''Pont d'Iéna''. La 6-kilometra parado-voyo sur Seine emfazis kultural aspekti di la ceremonio ed imaji di Parisana rikonocmarki. Kelka bateli transportis du o plusa delegitari nacionala, kontre ke granda delegitari - exemple l'Usana e la Franca - transportesis sola en singla bateli.

Franca kantistino Axelle Saint-Cirel kantis ''La Marseillaise'' dum l'aperto-ceremonio.

La "vivanta pikturo" (France: ''tableau vivant'') reprezentis anciena Greka deo Dionizios, ed esis multe kritikita pro simulachar [[Supeo santa]] kun partopreno di ''drag queens''. Politikisti, religiala chefi ed altra individui kritikis ca "vivanta pikturo", exemple [[judo|juda]] komentisto Eli David, qua adjetivigis ol kom "shaminda insulto kontre [[Iesu Kristo]] e [[kristanismo]]".

Diversa Olimpiala championi Franca duktis l'Olimpiala torcho til Gardeno ''Tuileries'', ube [[Teddy Riner]] e [[Marie-José Pérec]] recevis ol. Le du duktis du torchi til l'Olimpiala kaldrono, ed acendesis ol samatempe. La kaldrono suspensesis da balono plenigita per [[helio]], alta de 30 metri e semblanta varm-aera balono konstruktita da [[fratuli Montgolfier]] dum la 18ma yarcento. Dum la dio, la balono levesas, restanta ligata a la sulo, e dum la nokto ol abasesas.

Kanadana kantistino [[Céline Dion]], akompanita da pianisto, kantis ''Hymne a l'amour'', originale enrejistrita da [[Édith Piaf]] en 1950.

== Kelka eventi e rezulti ==
[[Arkivo:XGames-Chiba-2022_2022-04-24_0776.jpg|thumb|320px|[[Yuto Horigome]]]]
[[Arkivo:2019-09-07 - Archery World Cup Final - Mixed Recurve - Photo 07.jpg|thumb|320px|left| [[Kim Woo-jin]]]]
Dum la finala konkurso pri [[planko-sketado]] kategorio ''street'' por mulieri, ye la 28ma di julio, [[Japonia]]nini [[Coco Yoshizawa]] e [[Liz Akama]] ganis rispektive l'ora ed l'arjenta medalii. [[Rayssa Leal]], de [[Brazilia]], ganis la bronza.<ref>{{extera ligilo|url=https://esporte.ig.com.br/olimpiadas/2024-07-28/rayssa-leal-brilha-conquista-bronze-skate-street-paris.html|titulo=Com emoção! Rayssa Leal brilha no fim e conquista o bronze no skate street em Paris|editero=IG |idiomo={{pt}}|publikigita ye=28ma di julio 2024}}</ref> En la finalo di la sama kategorio por viri, eventinta ye la 29ma di julio, Japoniano [[Yuto Horigome]] ganis la ora, Usano [[Jagger Eaton]] ganis l'arjenta, ed Usano [[Nyjah Huston]] ganis la bronza<ref>{{extera ligilo|url=https://www.lance.com.br/olimpiadas/quem-e-yuto-horigome-skatista-que-garantiu-o-ouro-na-ultima-manobra-nas-olimpiadas.html|titulo=Quem é Yuto Horigome, skatista que garantiu o ouro na última manobra nas Olimpíadas|editero=Lance!|idiomo={{pt}}|publikigita ye=29ma di julio 2024}}</ref>.

[[Sud-Korea]]ni ganis entote 7 medalii pri [[arkpafado]], de qui 5 ora, 1 arjenta ed 1 bronza, en la 5 konkursi disputita: individuala por viri, individuala por mulieri, maskulala esquado, feminala esquado e mixita esquado.<ref>{{extera ligilo|titulo=Análise: O domínio da Coreia no Tiro com Arco em Paris 2024|url=https://koreanmagazinebr.com/analise-o-dominio-da-coreia-no-tiro-com-arco-em-paris-2024/|editero=Korean Magazine BR|idiomo={{pt}}|publikigita ye=6ma di agosto 2024}}</ref> Pos la rezulti di lua partopreno en Paris, Sud-Koreano [[Kim Woo-jin]] kolektis entote 5 ora medalii pri arkpafado en Olimpiala Ludi, de qui 1 en [[Olimpiala Ludi en Rio de Janeiro, 2016|Rio de Janeiro]], 1 en [[Olimpiala Ludi en Tokyo, 2020|Tokyo]], e 3 en Paris.

[[Arkivo:오예진 선수.jpg|thumb|250px|[[Oh Ye-jin]]]]
[[Arkivo:Sheng_Lihao_(2024)_01.png|thumb|250px|left|[[Sheng Lihao]]]]
La konkursi pri [[sporta pafado]] eventis che la Nacionala Centro pri Pafado (France: ''Centre National de Tir''), an urbo [[Châteauroux]]. Esis entote 15 kategorii - 6 por viri, 6 por mulieri e 3 por mixita esquadi - e 340 pafisti, 170 mulieri e 170 viri. [[Popul-Republiko Chinia]] ganis la ora en 5 ek li: 10-metra pafado kun pistolo per kompresita aero por viri, 10-metra pafado per kompresit-aera riflo por viri<ref name=Lihao/>, 25-metra pafado per rapida pistolo por viri, 50-metra pafado per riflo en 3 pozicioni por viri, e 10-metra  pafado kun riflo por mixita esquadi. Chiniano [[Sheng Lihao]], qua ganabis 1 arjenta medalio dum l'Olimpiala Ludi en Tokyo, ganis du ora en Paris<ref name=Lihao>{{extera ligilo|url=https://www.bbc.com/sport/olympics/articles/cd1j0jv039xo|titulo=China's Sheng wins second gold in Paris |editero=BBC|publikigita ye=29ma di julio 2024|idiomo={{en}}}}</ref>. [[Sud-Korea]]nini [[Oh Ye-jin]], Yang Ji-in e Ban Hyo-jin ganis ora medalii rispektive pri 10-metra pafado kun pistolo per kompresita aero, 25-metra per rapida pistolo, e 10-metra pafado per kompresit-aera riflo. [[Oh Ye-jin]] obtenis puntizo 243.2, qua esis Olimpiala rekordo, pafanta kun pistolo per kompresita aero<ref>{{Extera ligilo|url=https://www.thestar.com/sports/olympics-and-paralympics/oh-ye-jin-of-south-korea-smashes-an-olympic-shooting-record-to-win-gold-in/article_c1192bad-81ec-5541-bfec-0796bfd3f167.amp.html |titulo=Oh Ye Jin of South Korea smashes an Olympic shooting record to win gold in Paris|editero=The Toronto Star|publikigita ye=28ma di julio 2024|vidita ye= 28ma di julio 2024}}</ref>. [[Adriana Ruano]] ganis l'unesma ora medalio por [[Guatemala]] pri pafado kontre pladi.<ref>{{Extera ligilo|idiomo={{es}}|url=https://cnnespanol.cnn.com/2024/07/31/adriana-ruano-oliva-gana-primera-medalla-oro-olimpica-guatemala-orix/|titulo=Adriana Ruano Oliva gana la primera medalla de oro olímpica en la historia de Guatemala|vidita ye=31ma di julio 2024|autoro=Uriel Blanco|publikigita ye=31ma di julio 2024|editero=CNN}}</ref> [[Suisia]]nino [[Chiara Leone]] ganis l'ora por 50-metra pafado per riflo en 3 pozicioni.

La konkursi pri [[badmintono]] eventis de la 27ma di julio til la 5ma di agosto che stadio ''Port de la Chapelle'', anke konocata kom ''Adidas Arena'', kun la partopreno di 171 ludisti. Esis 5 kategorii: ''singla'' por viri, ''singla'' por mulieri, ''duopla'' por viri, ''duopla'' por mulieri, e mixit esquadi. Ludisti de [[Popul-Republiko Chinia]] ganis du ora medalii - duopli por mulieri, e mixit esquadi -, e du arjenta - singli por mulieri e duopli por mulieri. [[Viktor Axelsen]], de [[Dania]], ganis l'ora en la kategorio ''singla'' por viri, e [[An Se-young]] ganis l'ora en la kategorio ''singla'' por mulieri.

[[Arkivo:Paris2024 - TT - 28 Evenepoel.jpg|thumb|320px|[[Remco Evenepoel]] dum konkurso pri biciklagado kontrehorloja.]]
[[Arkivo:OG2024-dressage-Jessica-von-Bredow-Wernd-gold-medal.jpg|thumb|left|320px|[[Jessica von Bredow-Werndl]] (GER) e ''TSF Dalera BB'' pos recevir ora medalio pri individuala dresado.]]
Quar konkursi pri [[biciklagado]] komencis ye l'[[esplanado]] ''Esplanade des Invalides'': la konkursi pri biciklagado kontrehorloja por viri e por mulieri finis ye la ponto Alexander la 3ma, kontre ke la konkursi pri biciklagado en stradi finis ye la placo ''Trocadéro''. En la du konkursi por viri, [[Belgia|Belgo]] [[Remco Evenepoel]] ganis la ora. Du Franci, [[Valentin Madouas]] e [[Christophe Laporte]] ganis rispektive arjenta e la bronza medalii en la biciklagado en stradi. En la konkurso kontrehorloja por viri, [[Filippo Ganna]] ganis l'arjenta e [[Wout van Aert]]. Pri biciklagado en stradi por mulieri, Usanino [[Kristen Faulkner]] ganis la ora, Nederlandanino [[Marianne Vos]] ganis l'arjenta, e [[Lotte Kopecky]], de [[Belgia]], ganis la bronza. Pri biciklagado kontrehorloja por mulieri, [[Grace Brown]] de [[Australia]] ganis l'ora, Britanianino [[Anna Henderson]] ganis l'arjenta, ed Usanino [[Chloé Dygert]] ganis la bronza.

La konkursi pri [[kavalkado]] eventis che [[palaco di Versailles]], en l'[[Versailles|urbo samnoma]], inter la 27ma di julio e la 6ma di agosto. Ca yaro, mulieri e viri konkursis kune en 6 kategorii: individuala dresado, esquada dresado, individuala konkurso, esquada konkurso, individuala saltado ed esquada saltado. Exemple, en l'individuala konkurso, [[Michael Jung]] de [[Germania]] ganis l'ora, [[Christopher Burton]] de [[Australia]] ganis l'arjenta, e [[Laura Collett]], del [[Unionita Rejio]], ganis la bronza. Pri l'individuala dresado, [[Jessica von Bredow-Werndl]] kun kavalino ''TSF Dalera BB'' ganis la ora, [[Isabell Werth]] kun kavalino ''Wendy'' ganis l'arjenta, e Britanianino [[Charlotte Fry]], kun kavalulo ''Glamourdale'' ganis la bronza<ref>{{extera ligilo|url=https://www.eurodressage.com/2024/08/04/germanys-von-bredow-werndl-and-dalera-wins-second-individual-gold-2024-olympics|titulo=Germany’s von Bredow-Werndl and Dalera Wins Second Individual Gold at 2024 Olympics|editero=Eurodressage|idiomo={{en}}|publikigita ye=4ma di agosto 2024}}</ref>. Entote, Germania ganis ora en 4 ek la 6 kategorii: individuala dresado, esquada dresado, individuala konkurso, ed individuala saltado.

[[Arkivo:Roland-Garros 2012-IMG 3831.jpg|thumb|320px|Stadio Suzanne-Lenglen, en Roland Garros.]]
[[Arkivo:Grand Palais (Paris, FRA) 2019.jpg|left|thumb|320px|Palaco ''Grand Palais''.]]
La konkursi pri [[boxo]] eventis che stadio Suzanne-Lenglen, parto de la sporto-komplexo por teniso ''Roland Garros''. Partoprenis entote 284 boxisti, de qui la duimo esis mulieri. Viri konkursis en 7 kategorii - infre 51 kg, infre 57 kg, infre 63,5 kg, infre 71 kg, infre 80 kg, infre 92 kg, e plu kam 92 kg -, kontre ke mulieri konkursis en 6 kategorii - infre 50 kg, infre 54 kg, infre 57 kg, infre 60 kg, infre 66 kg, ed infre 75 kg. [[Uzbekistan]] ganis 5 ek la 7 ora medalii pri boxo por viri, ecepte en la kategorio infre 63,5 kg (ganita da [[Erislandy Álvarez]], de [[Kuba]]), ed en la kategorio infre 80 kg (ganita da [[Olexandr Hizhiak]], de [[Ukraina]]). Pri boxo por mulieri, [[Wu Yu]] e [[Chang Yuan]], de [[Popul-Republiko Chinia]], ganis ora medalii rispektive en la kategorii infre 50 kg ed infre 54 kg. En la kategorio infre 57 kg, [[Lin Yu-ting]], de [[Taiwan]], ganis la ora.

La konkursi pri [[tae-kwon-do]] eventis che palaco ''Grand Palais'', de la 7ma til la 10ma di agosto. Esis 8 kategorii, de qui 4 por viri e 4 por mulieri. [[Sud-Korea]] ganis du ora medalii: da [[Kim Yu-Jin]], en la kategorio infre 57 kg por mulieri; e da [[Park Tae-Joon]], en la kategorio infre 58 kg por viri. [[Uzbekistan]] anke ganis du medalii: ora da [[Ulugbek Rashitov]], en la kategorio infre 68 kg por viri; ed arjenta da [[Svetlana Osipova]], en la kategorio plu kam 67 kg por mulieri.

[[Arkivo:Teahupoo1.jpg|thumb|320px|left|Ondo en Teahupoʻo.]]
[[Arkivo:Paris Parc des Princes 1.jpg|thumb|320px|Stadio ''Parc des Princes''.]]
La konkursi pri [[surfo]] eventis en Teahupoʻo, [[Tahiti]], [[Franca Polinezia]], loko famoza pro sua giganta ondi. Ibe eventis konkursi por viri e por mulieri. La finala konkursi eventis ye la 31ma di julio. Pri surfo por viri, Franco [[Kauli Vaast]] ganis la ora, Australiano [[Jack Robinson]] ganis l'arjenta, e Braziliano [[Gabriel Medina]] ganis la bronza. Pri surfo por mulieri, Usanino [[Caroline Marks]] ganis la ora, Brazilianino [[Tatiana Weston-Webb]] ganis l'arjenta, e [[Johanne Defay]] de Francia ganis la bronza.

La bronza medalio pri futbalo por viri disputesis ye la 8ma di agosto che stadio ''Stade de la Beaujoire'', en [[Nantes]], inter [[Egiptia]] e [[Maroko]]. Maroko vinkis la partio per 6 goli kontre 0. L'ora medalio disputesis ye la 9ma di agosto che stadio ''Parc des Princes'', en [[Paris]], inter [[Francia]] e [[Hispania]]. Hispania ganis l'ora medalio pos vinkir Francia per 5 goli kontre 3. Ye la sama dio, disputesis la bronza medalio pri futbalo por mulieri, che stadio ''Parc Olympique Lyonnais'' en Décines-Charpieu, urbo an la metropolala regiono di [[Lyon]]. [[Germania]] vinkis Hispania per 1 golo kontre 0, e grantis la bronza medalio. Ye la 10ma di agosto eventis la disputo pri ora medalio, inter [[Usa]] e [[Brazilia]], anke che stadio ''Parc des Princes''. Usanini vinkis Brazilianini per 1 golo kontre 0, e ganis kinesmafoye en lua historio la ora medalio.

[[Arkivo:Paris2024_-_Triathlon_-_02_-_Pont_Alexandre_III.jpg|thumb|320px|left|Loko por la konkurso pri triatlo*, apud ponto Alexander la 3ma.]]
[[Arkivo:Volleyball_at_the_2024_Summer_Olympics_–_Men's_Japan_vs_Germany_05.jpg|thumb|320px|Preliminara volebalo-partio por viri, Japonia kontre Germania.]]
La konkursi pri [[triatlo]] eventis de la 31ma di julio til la 5ma di agosto, kun la partopreno di entote 110 atleti, de qui 55 viri e 55 mulieri. Viri e mulieri anke konkursis kom mixita esquadi. Triatlo* konsistis ek 1,5-kilometra [[natado]], 40-kilometra [[biciklo]]-kurado, e 10-kilometra kurado. La disputi pri natado eventis sur l'aqui di [[Seine]], tamen ca parto preske eliminesis, pro problemi pri kontamino dil aquo. Mem pos la liberigo di natado en Seine, kelk atleti infektesis per [[bakterio]] ''[[escherichia coli]]''<ref>{{extera ligilo|url=https://www.cnnbrasil.com.br/esportes/olimpiadas/triatletas-sao-hospitalizados-apos-nadarem-no-rio-sena-belgica-desiste-de-prova/|titulo=Triatletas são hospitalizados após nadarem no rio Sena; Bélgica desiste de prova|idiomo={{pt}}|editero=CNN|publikigita ye=4ma di agosto 2024}}</ref>. Pri triatlo* por viri, Britaniano [[Alex Yee]] ganis l'ora, Novazelandano [[Hayden Wilde]] ganis l'arjenta, e Franco [[Léo Bergère]] ganis la bronza. Pri triatlo* por mulieri, [[Cassandre Beaugrand]] de Francia ganis l'ora, [[Julie Derron]] de Suisia ganis l'arjenta, e [[Beth Potter]] del Unionita Rejio ganis la bronza. Pri triatlo* por mixita esquado, Germana ganis l'ora, Usa ganis l'arjenta, ed Unionita Rejio ganis la bronza.

La preliminara partii di [[handbalo]] eventis che eventeyo ''Paris Expo Porte de Versailles'', e la finala fazo eventis che stadio ''[[Pierre Mauroy]]'', en [[Lille]]. Entote 24 esquadi, de qui 12 maskula e 12 femina konkursis dum preliminari. En la finala partii di la turniro por viri, [[Hispania]] vinkis [[Slovenia]] per 23 punti kontre 22 e ganis la bronza, e [[Dania]] vinkis [[Germania]] per 39 punti kontre 26, e ganis la ora. En la finala partii di la turniro por mulieri, [[Dania]] vinkis [[Suedia]] per 30 punti kontre 25 e ganis la bronza, e [[Norvegia]] vinkis [[Francia]] per 29 punti kontre 21, e ganis la ora.

Ultre handbalo, ''Paris Expo Porte de Versailles'' ank esis loko por [[volebalo]]-partii en interna korto, por konkursi pri [[pezo-levo]] e tablo-teniso. Volebalo-partii eventis de la 27ma di julio til la 10ma di agosto (por viri) e la 11ma di agosto (por mulieri). Pri volebalo por viri, [[Francia|Franca]] esquado ganis l'ora, [[Polonia|Polona]] esquado ganis l'arjenta, ed [[Usa]]na esquado ganis la bronza. Pri volebalo por mulieri, [[Italia]] ganis l'ora, [[Usa]] ganis l'arjenta, e [[Brazilia]] ganis la bronza.

== Medalii ganita ==
Yen listo di la landi qui recevis adminime 1 bronza medalio en [[Paris]] en [[2024]].<ref>{{extera ligilo|titulo=Quadro de Medalhas {{!}} Olimpíadas 2024|url=https://www.uol.com.br/esporte/olimpiadas/quadro-de-medalhas/|idiomo={{pt}}|editero=UOL|aktualigita ye=11ma di agosto 2024}}</ref>
[[Arkivo:Course en ligne masculine de cyclisme sur route aux JO d'été de 2024 12.jpg|thumb|320px|Ciklisti che avenuo ''Simón Bolívar''.]]
[[Arkivo:OG2024-equestrian-sports-stands.jpg|thumb|320px|Tempala stadio konstruktita en Versailles por la konkursi pri kavalkado.]]
[[Arkivo:Épreuve_Aviron_Jeux_Olympiques_2024_Stade_Nautique_Vaires_Marne_-_Vaires-sur-Marne_(FR77)_-_2024-07-28_-_97.jpg|thumb|320px|Navigala Centro Vaires–Torcy, en Vaires-sur-Marne.]]
[[Arkivo:140201 Velodrome.jpg|thumb|320px|Nacionala [[Velodromo]] ''Saint-Quentin-en-Yvelines''.]]
[[Arkivo:P1050976_Paris_XV_pte_de_Versailles_entrée_parc_des_expositions_esplanade_du_9.11.1989_rwk.JPG|thumb|320px|''Paris Expo Porte de Versailles''.]]
[[Arkivo:Handball_at_the_2024_Summer_Olympics_–_Men's_Germany_vs_Slovenia_-_2024-08-04_-_01.jpg|thumb|320px|Mi-finala partio di handbalo por viri, Germania kontre Slovenia.]]
{{Totalo di medalii}}
|-
| 1 ||{{USA}}|| 40 || 44 || 42 || 126
|-
| 2 ||{{CHN}}|| 40 || 27 || 24 || 91
|-
| 3 ||{{JPN}}|| 20 || 12 || 13 || 45
|-
| 4 ||{{AUS}}|| 18 || 19 ||  16 || 53
|-
| 5 ||{{FRA}}|| 16 || 26 || 22 || 64
|-
| 6 ||{{NLD}}|| 15  || 7 || 12 || 34
|-
| 7 ||{{GBR}}|| 14 || 22 || 29 || 65
|-
| 8 ||{{KOR}}|| 13 || 9  || 10  || 30
|-
| 9 ||{{ITA}}|| 12  || 13 || 15 || 40
|-
| 10 ||{{DEU}}|| 12  || 13 || 8  || 33
|-
| 11||{{NZL}}|| 10  || 7  || 3   || 20
|-
| 12||{{CAN}}|| 9  || 7  || 11  || 27
|-
| 13||{{UZB}}|| 8  || 2  || 3   || 13
|-
| 14||{{HUN}}|| 6  || 7  || 6  || 19
|-
| 15||{{ESP}}|| 5  || 4  || 9  || 18
|-
| 16||{{SWE}}|| 4  || 4  || 3  || 11
|-
| 17||{{KEN}}|| 4  || 2  || 5  || 11
|-
| 18||{{NOR}}|| 4  || 1  || 3  || 8
|-
| 19||{{IRL}}|| 4  || 0  || 3  || 7
|-
| 20||{{BRA}}|| 3  || 7  || 10 || 20
|-
| 21||{{IRN}}|| 3  || 6  || 3  || 12
|-
| 22||{{UKR}}|| 3  || 5  || 4  || 12
|-
| 23||{{ROU}}|| 3  || 4  || 2  || 9
|-
| 24||{{GEO}}|| 3  || 3  || 1  || 6
|-
| 25||{{BEL}}|| 3  || 1  || 6  || 10
|-
| 26||{{BGR}}|| 3  || 1  || 3  || 7
|-
| 27||{{SRB}}|| 3  || 1  || 1  || 5
|-
| 28||{{CSK}}|| 3  || 0  || 2  || 5
|-
| 29||{{DEN}}|| 2  || 2  || 5  || 9
|-
| 30||{{AZE}}|| 2  || 2  || 3  || 7
|-
| 30||{{HRV}}|| 2  || 2  || 3  || 7
|-
| 32||{{CUB}}|| 2  || 1  || 5  || 8
|-
| 33||{{BHR}}|| 2  || 1  || 1 || 4
|-
| 34||{{SVN}}|| 2  || 1  || 0  || 3
|-
| 35||{{TWN}}|| 2  || 0  || 5  || 7
|-
| 36||{{AUS}}|| 2  || 0  || 3  || 5
|-
| 37||{{HKG}}|| 2  || 0  || 2 || 4
|-
| 37||{{PHL}}|| 2  || 0  || 2 || 4
|-
| 39||{{DZA}}|| 2  || 0  || 1 || 3
|-
| 39||{{IDN}}|| 2  || 0  || 1 || 3
|-
| 41||{{ISR}}|| 1  || 5  || 1 || 7
|-
| 42||{{POL}}|| 1  || 4  || 5  || 9
|-
| 43||{{KAZ}}|| 1  || 3  || 3  || 7
|-
| 44||{{JAM}}|| 1  || 3  || 2  || 6
|-
| 44||{{ZAF}}|| 1  || 3  || 2  || 6
|-
| 44||{{THA}}|| 1  || 3  || 2  || 6
|-
| 47||{{ETH}}|| 1  || 3  || 0  || 4
|-
| 48||{{CHE}}|| 1  || 2  || 5  || 8
|-
| 49||{{ECU}}|| 1  || 2  || 2  || 5
|-
| 50||{{PRT}}|| 1  || 2  || 1  || 4
|-
| 51||{{GRC}}|| 1  || 1  || 6  || 8
|-
| 52||{{ARG}}|| 1  || 1  || 1 || 3
|-
| 52||{{EGY}}|| 1  || 1  || 1 || 3
|-
| 52||{{TUN}}|| 1  || 1  || 1 || 3
|-
| 55||{{BWA}}|| 1  || 1  || 0 || 2
|-
| 55||{{CHL}}|| 1  || 1  || 0 || 2
|-
| 55||{{LCA}}|| 1  || 1  || 0 || 2
|-
| 55||{{UGA}}|| 1  || 1  || 0 || 2
|-
| 59||{{DOM}}|| 1  || 0  || 2 || 3
|-
| 60||{{GTM}}|| 1  || 0  || 1 || 2
|-
| 60||{{MCO}}|| 1  || 0  || 1 || 2
|-
| 62||{{DMA}}|| 1  || 0  || 0 || 1
|-
| 62||{{PAK}}|| 1  || 0  || 0 || 1
|-
| 64||{{TUR}}|| 0  || 3  || 5 || 8
|-
| 65||{{MEX}}|| 0  || 3  || 2 || 5
|-
| 66||{{ARM}}|| 0  || 3  || 1 || 4
|-
| 66||{{COL}}|| 0  || 3  || 1 || 4
|-
| 68||{{PRK}}|| 0  || 2  || 4 || 6
|-
| 68||{{KGZ}}|| 0  || 2  || 4 || 6
|-
| 70||{{LTU}}|| 0  || 2  || 2 || 4
|-
| 71||{{IND}}|| 0  || 1  || 5 || 6
|-
| 72||{{MDV}}|| 0  || 1  || 3 || 4
|-
| 73||{{KOS}}|| 0  || 1  || 1 || 2
|-
| 74||{{CYP}}|| 0  || 1  || 0 || 1
|-
| 74||{{FJI}}|| 0  || 1  || 0 || 1
|-
| 74||{{JOR}}|| 0  || 1  || 0 || 1
|-
| 74||{{MNG}}|| 0  || 1  || 0 || 1
|-
| 74||{{PAN}}|| 0  || 1  || 0 || 1
|-
| 79||{{TJK}}|| 0  || 0  || 3 || 3
|-
| 80||{{ALB}}|| 0  || 0  || 2 || 2
|-
| 80||{{GRD}}|| 0  || 0  || 2 || 2
|-
| 80||{{MYS}}|| 0  || 0  || 2 || 2
|-
| 80||{{PRI}}|| 0  || 0  || 2 || 2
|-
| 84||{{CPV}}|| 0  || 0  || 1 || 1
|-
| 84||{{CIV}}|| 0  || 0  || 1 || 1
|-
| 84||{{KAT}}|| 0  || 0  || 1 || 1
|-
| 84||{{PER}}|| 0  || 0  || 1 || 1
|-
| 84||Refujinti|| 0 || 0 || 1 || 1
|-
| 84||{{SGP}}|| 0  || 0  || 1 || 1
|-
| 84||{{SVK}}|| 0  || 0  || 1 || 1
|-
| 84||{{ZMB}}|| 0  || 0  || 1 || 1
|}

== Referi ==
{{reflist}}
[[Kategorio:Olimpiala Ludi]]