Retrokonciliebleso

Retrokonciliebleso (del Angla backward compatibility) esas koncepto en teknologio, nome en informatiko, kande ula nova produkto od informatiko-programo povas uzar dati o strukturi developita por versioni antea ad ol. Pri mol-varo, on parolas pri retrokonciliebleso kande esas posibla exekutar anciena komputorala programo en nova versiono di dominaco-programo (exemple: programi konstruktita por anciena versioni 32-bicoki di Windows qui povas durar uzebla kun Windows 10 64-bicoki. Pri hard-varo, to eventas, exemple, kande on povas uzar anciena video-plako kun chefplako plu moderna.

Yen altra exempli pri teknologiala retrokonciebleso:

• la transmiso-sistemi NTSC e PAL pri kolora televiziono esis konciliebla kun anciena televizioni qui montris imaji blanko-e-negro.
• DVD-pleili anke povas lektar dati de CD
• Mol-varo Microsoft Word 2007 anke povas lektar texti skribita en Word 97 til Word 2003.