Revoluciono oktobrala

De Wikipedio
Pos rapto di Vintrala palaco.

Revoluciono oktobrala, formale Granda Oktobrala socialista revoluciono, ank Reda Oktobro o Granda Oktobro esis Rusa revoluciono qua eventis de nokto ye la 6/7ma di novembro (segun Juliala kalendario24/25ma di oktobro) 1917 ad nokto (horo 2:00) ye la 8ma di novembro (segun Juliala kalendario26ma di oktobro) 1917.

La revoluciono komencis de raptar Vintrala Palaco da Bolsheviki e arestar membri di provizora guverno (di la 2ma – di Alexandr Kerenski) – rezulto di Revoluciono februarala. Komence la evento koncernis nur Petrograd (lora chef-urbo) e Moskva, ube esis kel-diala sangoza kombati.

Ye la 9ma di novembro (segun Juliala kalendario27ma di oktobro) la bolsheviki kreis provizora guverno (Konsilantaro di Komisarii dil Populo) qua chef-ministro divenis Vladimir Lenin, e ministri esis: Alexei Rikov (pri interna aferi), Alexandr Shlapnikov (pri laboro), Vladimir Milutin (pri agrokultivo), Ivan Tedorovich (pri provizado), Viktor Nogin (pri komerco e industrio), Anatoli Vasilyevich Lunacharski (pri edukado), Ivan Skvorcov-Stepanov (pri financo), Lev Trocki (pri extera aferi), Georgi Ippolitovich Oppokov (pri justeso), Iosif Stalin (pri nacionala aferi – autoro di korenizo), Nikolai Glebov-Avilov (pri posto e telegrafo).