Soylens Verda

De Wikipedio
(Ridirektita de Soylent Green)

Soylens Verda (en l'Angla: Soylent Green) esas koshmaratra futurala fantaziajo pri la kontrolanta povo di granda firmegi ed inocenta policisto qua deskovras la vereso.

Rezumo[redaktar | redaktar fonto]

En 2022, Tero esas tro-populizit e komplete polutita; la naturala fonti esas parexhaustit e la nutreso di la populo esas provizita da Soylens Industrii, kompanio qua produktas nutrivo de planktono del oceani. En Nova York, kande William R. Simonson, la membro di la direktistaro di Soylens, esas ocidita semblante da rupto-furtisto en Chelsea Turmi Weste ube il lojas, atributesas l' exploro dil afero a Thorn kun sua partenero Solomon "Sol" Roth. Thorn venas a la luxoz apartamento e renkontras Tab Fielding, la korp-gardisto di Solomon e Shirl la "moblo" (muliero qua inkluzante lugesas kun l'apartamento), e la detektivo konkluzas ke la direktisto ne esis viktimo di rupto-furto ma mortigesis. Pluse il deskovras ke gubernero Santini ed altra povoza viri volas fushar l'exploro da Thorn. Ma Thorn kontinuas e deskovras bizar e shokanta sekretajo dil ingrediento uzata por produktar Soylens Verda.

Savinda[redaktar | redaktar fonto]

Soylens esas kompozo de soyo-lenso (en l'Angla: soya lentil). Soylens existas en la formi reda, flav e - la rare, pro ke ol esas la maxim bon qualeso - verda. Ol esas sensapor e senodor, e gradope plu nutriv, e vendesas kom mikra quadrata vafli.

Soylens Verda ganis, interaltre, Premio Saturn por la maxim bona filmo cienco-fiktiv e Premio Nebula por la maxim bona sequestro. La filmo anke nominesis por Premio Hugo, anke por la sama kategorio.